Qashqadaryoda YPX xodimlari formasida videorolik tayyorlab, TikTok ijtimoiy tarmog‘iga joylashtirgan qiz va uning sheriklari jarimaga tortildi. Bu haqda viloyat IIB axborot xizmati xabar berdi.
Ta’kidlanishicha, ijtimoiy tarmoqlarda YPX inspektorlari formasini kiyib, hazil video tayyorlagan qiz va yigitlarning chiqishi o‘rganib chiqilgan.
“O‘rganishlar natijasiga ko‘ra, Qarshi shahrida yashovchi E.D., Ya.Sh., X.X.lar qonun bilan qo‘riqlanadigan davlat organlari vakillarining harbiy, idoraviy va maxsus formali kiyim-boshini noqonuniy ravishda kiyib, videorolik tayyorlagan. Hamda ijtimoiy tarmoqqa joylashtirgan”, — deyiladi viloyat IIB axborot xizmati xabarida.
Xabarda qayd etilishicha, ijtimoiy tarmoqlarda tarqalgan videolavhalar yuzasidan hujjatlar to‘planib, Jinoyat ishlari bo‘yicha Qarshi shahar sudiga yuborilgan. Sud mazkur ishni ko‘rib chiqib, videolavhada YPX xodimi formasida chiqish qilgan qizni bazaviy hisoblash miqdorining 2 baravari miqdorida (540 ming so‘m), haydovchi va YHXB inspektori vazifasini bajargan yigitlar — Ya.Sh. X.X.ga esa bazaviy hisoblash miqdorining 4 baravari miqdorida (810 ming so‘m ) jarima jazosi tayinlagan.
Mavzuga doir:
- Toshkentdagi “Novza” masjidiga juma namoziga kelgan haydovchilar mashinalari jarimaga tortilayotgani aytilgan video bo‘yicha izoh berildi
- Avtomobilini O‘zbekiston bayrog‘i ranglarida bo‘yagan haydovchilar jarimaga tortilmasdan, ogohlantirish berildi
- Samarqandda “migalka” o‘rnatib harakatlangan Lacetti jarima maydonchasiga joylashtirildi
Izoh (0)