Наманган вилояти Мингбулоқ туманида «Газель» велосипедчини уриб юборди, дея хабар қилмоқда вилоят ИИБ ахборот хизмати.
Қайд этилишича, 2021 йил 31 август куни соат 21:40 ларда Мингбулоқ тумани «Қўшқишлоқ» МФЙ ҳудудида Мингбулоқ туманида яшовчи, 1988 йилда туғилган фуқаро «Газель» русумли автомашинасини бошқариб бораётиб, ҳаракат хавфсизлигини таъминлай олмай, йўлни кесиб ўтаётган велосипедчи, Мингбулоқ туманида яшовчи, 1997 йилда туғилган фуқарони уриб юборган.
Оқибатда велосипедчи олган тан жароҳати оқибатида шифохонада вафот этган.
Ушбу ҳолат бўйича Мингбулоқ тумани ИИБ ҳузуридаги ТБ томонидан 2021 йил 1 сентябрь куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Изоҳ (0)