Italiyada to‘qqiz nafar rekonstruktor Jon Tolkinning “Uzuklar humkdori” romani qahramonlari kabi kiyinib olib, xobbit Frodo Beggins bosib o‘tgan yo‘ldan yurishga va Vezuviy vulqoniga qudrat uzugini tashlashga qaror qildi, deb xabar beradi Esquire.
27-avgust kuni bank xodimi, SMM bilan shug‘ullanuvchi, talaba va ekspeditsiyaning boshqa a’zolari to‘rt nafar xobbit, sehrgar, elf, gnom va ikki oddiy inson rolini taqsimlab, Kyeti shahrini tark etgan holda vulqon tomon piyoda otlangan. Ular 250 kilometr masofani bosib o‘tib, 2-sentabr kuni vulqonga yetib borishi kerak edi. Guruhga 37 yoshli novvoy-qandolatchi Nikolas Jentile boshchilik qilgan.
“Vezuviyni u o‘tmishda Faito tog‘i kabi vayronkor va insonlarga hamon juda yaqinligi uchun qo‘rqinchli bo‘lgani sabab tanladik”, — deydi Jentile.
Ekspeditsiyaning maqsadi — fentezi muxlislari dam oladigan maskanga aylanuvchi xobbitlar qishlog‘ini qurishga mablag‘ yig‘ish. Hozirda bu kabi qishloq Yangi Zelandiyada — “Uzuklar hukmdori” filmni suratga olish ishlari amalga oshirilgan joyda bor.
Ekspeditsiya oxirida rekonstruktorlar The Sign 2.0 qovoqxonasida mavzuga mos bazm uyushtirishni rejalashtirgan.
Izoh (0)