Piter Parkerning hayoti ostin-ustun bo‘lib ketadi. “O‘rgimchak odam: uyga yo‘l yo‘q” filmining treyleri e’lon qilindi

“O‘rgimchak odam” haqidagi yangi filmning uzoq kutilgan treyleri e’lon qilindi, deb xabar beradi “Film.ru”.

E’lon qilingan kadrlardan ko‘rish mumkinki, Piter Parkerning hayoti Misteriy uning kimligini ommaga oshkor qilgach, butunlay ostin-ustun bo‘lib ketgan. Shundan so‘ng qahramon Doktor Strenjdan yordam so‘ragan, ammo uning jodusi noto‘g‘ri ishlab, vaqt va makon uzluksizligini buzib yuborgan.

Kartina No Way Home (“Uyga yo‘l yo‘q”) nomi ostida katta ekranlarga chiqadi. Unda Tom Xolland yana bir bor Zendeya va Jeykob Batalon bilan rol ijro etgan. Shuningdek, treylerda “O‘rgimchak odam” haqidagi birinchi trilogiyada bosh rolni o‘ynagan yovuz Doktor Oktopus (Alfred Molina ijrosida) ko‘rinish bergan. Trikvelda yana qaysi aktyorlar paydo bo‘lishi hozircha sir saqlanmoqda.

Jon Uottsning filmini 2021-yil 17-dekabrdan boshlab kinoteatrlarda tomosha qilish mumkin bo‘ladi.

Eslatib o‘tamiz, 2020-yilning noyabrida Tom Xolland “O‘rgimchak odam” filmini suratga olish jarayonidagi foto bilan bo‘lishgandi va unda bosh qahramon tibbiyot niqobi taqib olgani tasvirlangan edi.