O‘zbekiston Respublikasi mustaqilligining 30 yillik yubileyi arafasida mamlakatning telekommunikatsiya sohasi ishchilari ham davlat mukofotlari, esdalik nishonlari bilan rag‘batlantirildi.
Bugun Respublikada axborot-kommunikatsiya texnologiyalarini joriy etish va aholi turmush darajasini barqaror oshirib borish uchun sharoitlar yaratishga alohida e’tibor qaratilmoqda. Bu masalalarni amalga oshirishda aloqa yo‘nalishi xodimlarining hissasi katta.
Axborot texnologiyalari va kommunikatsiyalarini rivojlantirish vazirligi tomonidan tantanali marosim 29-avgust kuni videoanjuman formatida o‘tkazildi.
Asosiy tadbir Muhammad al-Xorazmiy nomidagi AKTni chuqurlashtirib o‘tishga ixtisoslashtirilgan maktabda bo‘lib o‘tdi. Barcha hududlar va sohaning yirik bo‘linmalari bilan o‘rnatilgan videoaloqada Axborot texnologiyalari va kommunikatsiyalarini rivojlantirish vaziri Shuhrat Sodiqov sohaning barcha ishchilarini chin yurakdan muborakbod etdi.
Soha xodimlari O‘zbekiston Respublikasi Prezidentining davlat mukofotlariga loyiq ko‘rildi, “O‘zbekistonning 30 yilligi” esdalik nishoni, shuningdek, faxriy yorliqlar, “Mohir aloqachi”, “O‘z kasbining ustasi” faxriy unvonlari bilan taqdirlandi.
Mukofotlanganlar orasida “Coscom” MChJ (Ucell savdo belgisi)ning uch nafar xodimi ham bor:
- Vladimir Vladimirovich Kravchenko, “Coscom” MChJ bosh direktori;
- Gabdurahmanov Dmitriy Validjanovich, ulanish tarmog‘ini rivojlantirish bo‘limi boshlig‘i;
- G‘ulomov Ahmadjon Ibrohimovich, hududiy bosh muhandis.
Ahmadjon G‘ulomov, hududiy bosh muhandis:
“Bugungi esdalik nishon faqat mening xizmatim emas, butun jamoamiz g‘alabasidir. Biz kelgusida ham mamlakatning telekommunikatsiya sohasini rivojlantirishda davom etamiz. Fursatdan foydalanib, barcha yurtdoshlarimizni kirib kelayotgan bayram bilan tabriklamoqchiman”.
Dmitriy Validjanovich Gabdurahmanov, ulanish tarmog‘ini rivojlantirish bo‘limi boshlig‘i:
“Men Ucell kompaniyasida 1997-yildan buyon ishlayman. Mustaqillikning 30 yilligi munosabati bilan menga esdalik nishon taqdim etishlarini eshitib juda xursand bo‘ldim. Bizga bildirayotgan ishonchi hamda telekommunikatsiya sohasini rivojlantirishga qo‘shayotgan hissamizni munosib baholagani uchun mamlakatimiz rahbariyatiga minnatdorchilik bildiraman”.
Barchani munosib mukofotlar bilan tabriklaymiz va kelgusida kasbiy muvaffaqiyat, sog‘lik va farovonlik tilaymiz!
Reklama huquqi asosida.
Izoh (0)