Samsung — yangi Google Android 12 operatsion tizimining ochiq beta-test jarayonlarida ishtirok etmayotgan eng yirik smartfon ishlab chiqaruvchi, deb xabar beradi IXBT.
Shu sababli biror kim Janubiy Koreya kompaniyasining qaysi qurilmalari va qachon Android 12 ga asoslangan One UI 4.0 interfeysiga o‘tishini bilmaydi. Ammo internetda Geekbench bazasidagi Android 12 boshqaruvida ishlovchi Galaxy S21 Ultra haqida ma’lumotlar paydo bo‘ldi. “Bu Samsung smartfonlari Google’ning eng so‘nggi versiyadagi operatsion tizimga ega bo‘lishi borasida umid uchqunlarini uyg‘otadi”, — deyiladi xabarda.
Operatsion tizimning rasmiy taqdimoti oktabr oyiga rejalashtirilgan.
Android 12 boshqaruvidagi Galaxy S21 Ultra bir oqimli testda 1122 ball, ko‘p oqimlida esa 3469 ball to‘plagan — bu Snapdragon 888 modellariga mos natija. Bu yerda Android 12 ning mavjudligi muhim: Samsung ochiq beta-test jarayonida ishtirok etmayotgan bo‘lsa-da, boshqa kompaniyalardan yangi operatsion tizimlar borasida ortda qolmayapti.
Avvalroq Samsung kompaniyasi Galaxy Buds+ naushnigini sotuvdan olib tashlashi, Janubiy Koreya kompaniyasi egiluvchan ekranga ega yangi smartfoni — “raskladushka” va “kitobcha”ni taqdim etgani to‘g‘risida xabar berilgandi.
Izoh (0)