Apple kompaniyasi kuzda o‘zining qator yangi gadjetlarini taqdim etishga tayyorgarlik ko‘rmoqda. Ular orasida “aqlli” Apple Watch soatlarining yangi avlod ham bor, deb xabar beradi IXBT.
Xitoydagi manbalarning ma’lum qilishicha, Apple Watch Series 7 kattaroq o‘lchamga ega bo‘ladi — 41 va 45 millimetr (hozirda Apple Watch Series 4’ning 40 va 44 millimetrli variantlari mavjud).
Kompaniya Apple Watch Series 4 taqdim etilguniga qadar o‘lchami 38 va 42 millimetr bo‘lgan soatlarni ishlab chiqarib kelgan. 2018-yilda kattaroq displeyli Series 4 chiqishi bilan korpus o‘lchami mos ravishda 40 va 44 millimetrga qadar oshgan.
Ma’lumotlarga ko‘ra, yangi Apple Watch Series 7 o‘tgan avloddagi tasmalar ham mos keladi. Foydalanuvchilar 40 va 44 millimetrli modellar uchun mo‘ljallangan tasmalarini ishlatishi mumkin. Kelajakda Apple Watch “aqlli” soatlari dizaynini butkul o‘zgartirish niyatida — soatlar iPhone 12 uslubidagi burchaksimon tashqi ko‘rinish, ingichka hoshiya va kengaytirilgan ekran maydoniga ega bo‘ladi.
Apple Watch Series 7 ning rasmiy debyuti sentabr oyida iPhone 13 ning rasmiy taqdimoti bilan bir vaqtda bo‘lib o‘tadi. Shuningdek, yaqin oylarda yangi iPad, AirPods, Mac mini va MacBook Pro ham taqdim etilishi kutilmoqda.
Avvalroq Apple Watch 2022-yildan boshlab bosim, qondagi qand va alkogol miqdorini o‘lchashni o‘rganib olishi to‘g‘risida xabar berilgandi.
Izoh (0)