Ushbu maqola “Kir yuvish kukuni sodda xaridorlarning cho‘ntagini quritish usuli sifatida” nomli maqolaga javob sifatida e’lon qilinmoqda (“Ommaviy axborot vositalari to‘g‘risida”gi qonunga muvofiq e’lon qilinmoqda. Mahsulotning sifat sertifikati, “O‘zbekiston pochtasi” reyestri, IIBB tergov boshqarmasining xaridorlarning so‘roviga javoban yo‘llagan xati tahririyat ixtiyoriga kelib tushgan).
“Beleegion” MChJ rasmiy ravishda ro‘yxatdan o‘tgan va O‘zbekiston Respublikasi hududida faoliyat olib boradi. Korxona faoliyati O‘zbekistonning amaldagi qonunchiligi talablariga muvofiq amalga oshiriladi. Mahsulotlar O‘zbekiston qonunchiligi talablariga muvofiq, ruxsat beruvchi hujjatlarga ega bo‘lgan holda bojxona rasmiylashtiruvidan o‘tadi.
Mahsulotlarni xarid qilish uchun https://beverlee.net/ veb-sayti orqali shartnoma tuzish va bank kartasi orqali to‘lovni amalga oshirish lozim.
Shartnomaga ko‘ra, xaridor mahsulotni yetkazib berish manzili va boshqa aloqa ma’lumotlarini to‘g‘ri ko‘rsatishi lozim. Afsuski, ko‘pincha ushbu qoidaga rioya qilinmaydi va yetkazib berish vaqtida qiyinchiliklar yuzaga keladi.
Biroq bu to‘siq “Beleegion” MChJ tomonidan shartnoma shartlarining bajarilishiga va xaridorlarni izlab topishiga to‘sqinlik qilmaydi. Agar xaridorni topishning imkoni bo‘lmasa, mahsulotlar talab qilingunga qadar saqlanadi. Xaridorni aniqlashning iloji yo‘qligi sababli mahsulotni yetkazib berish muddati o‘zgarishi mumkin.
Tahririyatga muddatidan oldin ayblov bilan murojaat qilgan, ism-sharifining bosh harflari M.S. bo‘lgan xaridor haqidagi ma’lumotlar kompaniya reyestrida mavjud. “O‘zbekiston pochtasi” AJ xodimlari ushbu xaridorga buyurtma qilingan mahsulotni yetkazib berishga urinishgan. Xaridorning manzili noto‘g‘ri ko‘rsatilganligi sababli, mahsulotlar talab qilib olingunga qadar kompaniyaga qaytarilgan.
Aytib o‘tish lozimki, 2021-yil 21-avgustga qadar xaridorlarning 98 foiziga mahsulotlar yetkazib berilgan. Kompaniya respublika darajasidagi ishonchli hamkori — “O‘zbekiston pochtasi” AJ bilan hamkorlikda yetkazib berish manzillarini noto‘g‘ri ko‘rsatgan xaridorlarni topish va ularga mahsulotlarni yetkazib berishga harakat qilmoqda.
Kompaniya respublika byudjetiga milliardlab soliq to‘laydi. Firibgarlar esa pulni olgandan so‘ng izsiz yo‘qoladi va qayerda ekanliklarini bildirmaydi. Kompaniya mahsulot sifatini tasdiqlovchi hujjatlarni talab qilish muammosiga duch kelmagan, chunki Yaponiya mahsulotlarining sifati hech kimda shubha uyg‘otmagan, kompaniyaning ofisi barcha uchun ochiq, mahsulot sifatiga oid hujjatlarni ofisga tashrif buyurgan har kimga taqdim etishimiz mumkin. Bu “Beleegion” MChJ faoliyatining ochiqligi va tozaligini tasdiqlaydi.
Huquqni muhofaza qilish organlariga murojaat qilish orqali kompaniyaning obro‘siga ta’sir qilishga urinishlar “Beleegion” MChJ qonun doirasida faoliyat olib borayotganligini yana bir bor isbotladi. Kompaniya faoliyatida jinoyat tarkibi yo‘qligi va barcha harakatlar qonun doirasida amalga oshirilganligi sababli, Toshkent shahar Ichki ishlar bosh boshqarmasi jinoyat ishini qo‘zg‘atishdan bosh tortdi, bu haqda arizachilarga ma’lum qilindi.
Ta’kidlash joizki, kompaniya faoliyati davomida valyuta qonunchiligi buzilmagan. Mahsulotlar uchun to‘lovlar sotuvchiga — xorijiy kompaniyaga chet el valyutasida to‘lanadi. Bu esa O‘zbekiston Respublikasining “Valyutani tartibga solish to‘g‘risida”gi qonuniga mos keladi.
Ba’zi bir shaxslar kompaniyani firibgarlikda ayblamoqda va jinoyat ishini qo‘zg‘atishga harakat qilmoqda. Shuning uchun firibgarlar allaqachon qo‘lga olingan va qattiq jazoga tortiladi, degan ma’lumotni o‘quvchilarga yetkazmoqchi, lekin ular aybsizlik prezumpsiyasi haqida unutib qo‘ymoqda. Huquqni muhofaza qilish organlari xodimlarining professionalligi, aniq fakt va dalillarni aniqlash tajribasi va qobiliyati, kompaniya faoliyatining qonuniyligi, shubhasiz, bu masalada adolatni tiklaydi.
“Beleegion” MChJ qonun doirasida faoliyat olib boruvchi tadbirkorlik subyekti sifatida davlat va kompaniya hamkorlarining manfaati uchun ishlaydi. Kompaniya ochiq muloqotga va adolatli raqobatga doim tayyor. Kompaniya faqatgina qonun doirasida faoliyat olib borishi sababli, kompaniyaning obro‘sini tushirish va unga salbiy ta’sir qilishga urinishlarning oldini olishga, bunday holatlarga barham berishga harakat qiladi va kompaniyaning muvaffaqiyatini ko‘ra olmayotgan shaxslarga nisbatan qonuniy choralarni qo‘llaydi.
Kompaniya yana bir bor ta’kidlaydiki, yuzaga kelgan savollar, muammolar, shikoyatlar va takliflar bo‘yicha to‘g‘ridan to‘g‘ri murojaat qilishingiz mumkin. Mahsulot sotib olishda aloqa ma’lumotlarini noto‘g‘ri kiritgan mijozlardan kompaniya direksiyasiga murojaat qilishlarini so‘rab qolamiz.
Ma’lumot sheriklik huquqi asosida tayyorlandi.
Izoh (0)