Ушбу мақола «Кир ювиш кукуни содда харидорларнинг чўнтагини қуритиш усули сифатида» номли мақолага жавоб сифатида эълон қилинмоқда («Оммавий ахборот воситалари тўғрисида»ги қонунга мувофиқ эълон қилинмоқда. Маҳсулотнинг сифат сертификати, «Ўзбекистон почтаси» реестри, ИИББ тергов бошқармасининг харидорларнинг сўровига жавобан йўллаган хати таҳририят ихтиёрига келиб тушган).
«Beleegion» МЧЖ расмий равишда рўйхатдан ўтган ва Ўзбекистон Республикаси ҳудудида фаолият олиб боради. Корхона фаолияти Ўзбекистоннинг амалдаги қонунчилиги талабларига мувофиқ амалга оширилади. Маҳсулотлар Ўзбекистон қонунчилиги талабларига мувофиқ, рухсат берувчи ҳужжатларга эга бўлган ҳолда божхона расмийлаштирувидан ўтади.
Маҳсулотларни харид қилиш учун https://beverlee.net/ веб-сайти орқали шартнома тузиш ва банк картаси орқали тўловни амалга ошириш лозим.
Шартномага кўра, харидор маҳсулотни етказиб бериш манзили ва бошқа алоқа маълумотларини тўғри кўрсатиши лозим. Афсуски, кўпинча ушбу қоидага риоя қилинмайди ва етказиб бериш вақтида қийинчиликлар юзага келади.
Бироқ бу тўсиқ «Beleegion» МЧЖ томонидан шартнома шартларининг бажарилишига ва харидорларни излаб топишига тўсқинлик қилмайди. Агар харидорни топишнинг имкони бўлмаса, маҳсулотлар талаб қилингунга қадар сақланади. Харидорни аниқлашнинг иложи йўқлиги сабабли маҳсулотни етказиб бериш муддати ўзгариши мумкин.
Таҳририятга муддатидан олдин айблов билан мурожаат қилган, исм-шарифининг бош ҳарфлари М.С. бўлган харидор ҳақидаги маълумотлар компания реестрида мавжуд. «Ўзбекистон почтаси» АЖ ходимлари ушбу харидорга буюртма қилинган маҳсулотни етказиб беришга уринишган. Харидорнинг манзили нотўғри кўрсатилганлиги сабабли, маҳсулотлар талаб қилиб олингунга қадар компанияга қайтарилган.
Айтиб ўтиш лозимки, 2021 йил 21 августга қадар харидорларнинг 98 фоизига маҳсулотлар етказиб берилган. Компания республика даражасидаги ишончли ҳамкори — «Ўзбекистон почтаси» АЖ билан ҳамкорликда етказиб бериш манзилларини нотўғри кўрсатган харидорларни топиш ва уларга маҳсулотларни етказиб беришга ҳаракат қилмоқда.
Компания республика бюджетига миллиардлаб солиқ тўлайди. Фирибгарлар эса пулни олгандан сўнг изсиз йўқолади ва қаерда эканликларини билдирмайди. Компания маҳсулот сифатини тасдиқловчи ҳужжатларни талаб қилиш муаммосига дуч келмаган, чунки Япония маҳсулотларининг сифати ҳеч кимда шубҳа уйғотмаган, компаниянинг офиси барча учун очиқ, маҳсулот сифатига оид ҳужжатларни офисга ташриф буюрган ҳар кимга тақдим этишимиз мумкин. Бу «Beleegion» МЧЖ фаолиятининг очиқлиги ва тозалигини тасдиқлайди.
Ҳуқуқни муҳофаза қилиш органларига мурожаат қилиш орқали компаниянинг обрўсига таъсир қилишга уринишлар «Beleegion» МЧЖ қонун доирасида фаолият олиб бораётганлигини яна бир бор исботлади. Компания фаолиятида жиноят таркиби йўқлиги ва барча ҳаракатлар қонун доирасида амалга оширилганлиги сабабли, Тошкент шаҳар Ички ишлар бош бошқармаси жиноят ишини қўзғатишдан бош тортди, бу ҳақда аризачиларга маълум қилинди.
Таъкидлаш жоизки, компания фаолияти давомида валюта қонунчилиги бузилмаган. Маҳсулотлар учун тўловлар сотувчига — хорижий компанияга чет эл валютасида тўланади. Бу эса Ўзбекистон Республикасининг «Валютани тартибга солиш тўғрисида»ги қонунига мос келади.
Баъзи бир шахслар компанияни фирибгарликда айбламоқда ва жиноят ишини қўзғатишга ҳаракат қилмоқда. Шунинг учун фирибгарлар аллақачон қўлга олинган ва қаттиқ жазога тортилади, деган маълумотни ўқувчиларга етказмоқчи, лекин улар айбсизлик презумпцияси ҳақида унутиб қўймоқда. Ҳуқуқни муҳофаза қилиш органлари ходимларининг профессионаллиги, аниқ факт ва далилларни аниқлаш тажрибаси ва қобилияти, компания фаолиятининг қонунийлиги, шубҳасиз, бу масалада адолатни тиклайди.
«Beleegion» МЧЖ қонун доирасида фаолият олиб борувчи тадбиркорлик субъекти сифатида давлат ва компания ҳамкорларининг манфаати учун ишлайди. Компания очиқ мулоқотга ва адолатли рақобатга доим тайёр. Компания фақатгина қонун доирасида фаолият олиб бориши сабабли, компаниянинг обрўсини тушириш ва унга салбий таъсир қилишга уринишларнинг олдини олишга, бундай ҳолатларга барҳам беришга ҳаракат қилади ва компаниянинг муваффақиятини кўра олмаётган шахсларга нисбатан қонуний чораларни қўллайди.
Компания яна бир бор таъкидлайдики, юзага келган саволлар, муаммолар, шикоятлар ва таклифлар бўйича тўғридан-тўғри мурожаат қилишингиз мумкин. Маҳсулот сотиб олишда алоқа маълумотларини нотўғри киритган мижозлардан компания дирекциясига мурожаат қилишларини сўраб қоламиз.
Маълумот шериклик ҳуқуқи асосида тайёрланди.
Изоҳ (0)