Joriy yil 23 -avgustdan boshlab, Toshkent shahrida Uztelecom jamoasi mobil internet sifatini sezilarli darajada yaxshilashga qaratilgan mobil tarmoq imkoniyatlarini kengaytirish bo‘yicha ishlarni boshlaydi.
Uztelecom milliy operatori GSM standartidagi mobil aloqa tarmog‘ini tijoriy ishga tushirgandan boshlab, shu kungacha o‘z abonentlariga eng qulay shartlar asosida sifatli mobil aloqa va mobil internet xizmatlarini taklif qilishga intilmoqda. Zamon bilan hamnafas bo‘lish maqsadida, kompaniya xodimlari taklif qilinayotgan xizmatlar sifatini yaxshilash va O‘zbekiston Respublikasida telekommunikatsiya infratuzilmasini rivojlantirish uchun eng yangi standartlar va texnologiyalarni joriy etish bo‘yicha doimiy ish olib bormoqda.
Shunday qilib, 2021-yil 23-avgust kuni milliy operatorning texnik xizmatlari tomonidan mobil aloqa tarmog‘ini modernizatsiya qilish bo‘yicha keng ko‘lamli ishlar yana boshlanadi. Buning natijasida esa tarmoq o‘tkazuvchanlik qobiliyati yanada kengaytiriladi. O‘z navbatida bu kabi ishlar orqali mobil internet tezligining oshishiga va tarmoq qamrovining kengaytirilishiga erishilib, bu yanada ko‘proq odamlarga tez, sifatli va arzon mobil internetdan bir vaqtning o‘zida va uzluksiz foydalanish imkonini beradi. Ushbu loyiha hozirgi texnik jihozlarni zamonaviy uskunalarga almashtirish orqali hozirgi vaqtda ishlab turgan 200 ta tarmoq qurilmalarini modernizatsiya qilishni ko‘zda tutadi.
Tarmoqni modernizatsiya qilish ishlari belgilangan jadvalga muvofiq bosqichma-bosqich amalga oshiriladi.
Loyihaning birinchi bosqichi 23-avgustda Toshkent shahrida boshlanadi va 30 ish kunida davom etadi.
Tarmoqni modernizatsiya qilish loyihasi bo‘yicha ishlarning keyingi bosqichlari haqidagi ma’lumotlar to‘ldirib boriladi. Kompaniyaning rasmiy veb-saytidagi yangiliklarni kuzatib boring.
Shuni ta’kidlash joizki, tarmoqni modernizatsiya qilish bo‘yicha birinchi yirik loyiha 2020-yilda boshlangan va o‘sha yilning avgustida ajoyib natijalar bilan muvaffaqiyatli yakunlangan. 3 mingdan ortiq baza stansiyalari, jumladan, mamlakatning eng chekka hududlarida ham yangilandi va modernizatsiya qilindi. Bunday tadbirlar milliy operator taqdim etadigan mobil aloqa tarmog‘i va mobil internetning yanada qulay, sifatli va yuqori tezlikda ishlashiga imkon beradi.
Uztelecom — milliy operator
Aloqa markazi: 1099
Facebook: fb.com/uztelecom
Texnik qo‘llab-quvvatlash: fb.com/groups/tshtt.uz
Instagram: uztelecomuz
Telegram: t.me/uztelecomuz
MyUztelecom: AppStore, Google Play
Reklama huquqi asosida.
Izoh (0)