Жорий йил 23 августдан бошлаб, Тошкент шаҳрида Uztelecom жамоаси мобил интернет сифатини сезиларли даражада яхшилашга қаратилган мобил тармоқ имкониятларини кенгайтириш бўйича ишларни бошлайди.
Uztelecom миллий оператори GSM стандартидаги мобил алоқа тармоғини тижорий ишга туширгандан бошлаб, шу кунгача ўз абонентларига энг қулай шартлар асосида сифатли мобил алоқа ва мобил интернет хизматларини таклиф қилишга интилмоқда. Замон билан ҳамнафас бўлиш мақсадида, компания ходимлари таклиф қилинаётган хизматлар сифатини яхшилаш ва Ўзбекистон Республикасида телекоммуникация инфратузилмасини ривожлантириш учун энг янги стандартлар ва технологияларни жорий этиш бўйича доимий иш олиб бормоқда.
Шундай қилиб, 2021 йил 23 август куни миллий операторнинг техник хизматлари томонидан мобил алоқа тармоғини модернизация қилиш бўйича кенг кўламли ишлар яна бошланади. Бунинг натижасида эса тармоқ ўтказувчанлик қобилияти янада кенгайтирилади. Ўз навбатида бу каби ишлар орқали мобил интернет тезлигининг ошишига ва тармоқ қамровининг кенгайтирилишига эришилиб, бу янада кўпроқ одамларга тез, сифатли ва арзон мобил интернетдан бир вақтнинг ўзида ва узлуксиз фойдаланиш имконини беради. Ушбу лойиҳа ҳозирги техник жиҳозларни замонавий ускуналарга алмаштириш орқали ҳозирги вақтда ишлаб турган 200 та тармоқ қурилмаларини модернизация қилишни кўзда тутади.
Тармоқни модернизация қилиш ишлари белгиланган жадвалга мувофиқ босқичма-босқич амалга оширилади.
Лойиҳанинг биринчи босқичи 23 августда Тошкент шаҳрида бошланади ва 30 иш кунида давом этади.
Тармоқни модернизация қилиш лойиҳаси бўйича ишларнинг кейинги босқичлари ҳақидаги маълумотлар тўлдириб борилади. Компаниянинг расмий веб-сайтидаги янгиликларни кузатиб боринг.
Шуни таъкидлаш жоизки, тармоқни модернизация қилиш бўйича биринчи йирик лойиҳа 2020 йилда бошланган ва ўша йилнинг августида ажойиб натижалар билан муваффақиятли якунланган. 3 мингдан ортиқ база станциялари, жумладан, мамлакатнинг энг чекка ҳудудларида ҳам янгиланди ва модернизация қилинди. Бундай тадбирлар миллий оператор тақдим этадиган мобил алоқа тармоғи ва мобил интернетнинг янада қулай, сифатли ва юқори тезликда ишлашига имкон беради.
Uztelecom — миллий оператор
Алоқа маркази: 1099
Facebook: fb.com/uztelecom
Техник қўллаб-қувватлаш: fb.com/groups/tshtt.uz
Instagram: uztelecomuz
Telegram: t.me/uztelecomuz
MyUztelecom: AppStore, Google Play
Реклама ҳуқуқи асосида.
Изоҳ (0)