O‘zbekiston Prezidenti Shavkat Mirziyoyev mamlakat mustaqilligining 30 yilligi munosabati bilan fan, ta’lim, adabiyot, madaniyat, san’at va OAV sohalarining xodimlarini faxriy unvonlar, ordenlar va medallar bilan mukofotladi. Taqdirlanganlar qatoridan “Daryo” bo‘lim muharriri Sevara Nishonova ham o‘rin oldi.
Prezident farmoniga asosan Sevara Nishonova “Shuhrat” medali bilan mukofotlandi.
Ma’lumot uchun, Sevara Nishonova 1988-yilda Samarqand viloyati Bulung‘ur tumanida tug‘ilgan. 2010-yilda O‘zbekiston davlat jahon tillari universiteti Xalqaro jurnalistika fakultetini tamomlagan. “Daryo” internet nashridagi faoliyatini 2017-yilda muxbir sifatida boshlagan. 2020-yildan hozirgi kungacha bo‘lim muharriri sifatida ishlab kelmoqda.
Bundan avval Prezident farmoniga asosan mamlakat mustaqilligining 29 yilligi munosabati bilan “Daryo” bosh muharriri o‘rinbosari Dilshod Sharipov, 8-mart — Xalqaro xotin-qizlar kuni munosabati bilan “Daryo” fotomuxbiri Madina Nurman “Shuhrat” medali hamda Matbuot va ommaviy axborot vositalari xodimlari kuni munosabati bilan “Daryo” muxbiri Mirolim Isajonov “Kelajak bunyodkori” medali bilan mukofotlangan edi.
Izoh (0)