“O‘zbekiston temir yo‘llari” Mustaqillikning 30 yilligi munosabati bilan ichki yo‘nalishlarga chegirmalar e’lon qildi.
Qayd etilishicha, bayram chegirmalari 1—4 sentabr kunlari amal qiladi:
- nafaqaxo‘rlar, nogironlar, 1941-1945 yil urush qatnashchilari va ularga tenglashtirilgan shaxslarga — 50 foiz;
- OTM talabalari, maktab o‘quvchilari, kollej va litsey talabalari, IIV, MV, DXX, DS, DB maxsus ta'lim muassasalari talabalariga — 15 foiz;
- oilaviy (ikki yoki undan ortiq kishi — eri va rafiqasi, eri yoki rafiqasi va 18 yoshgacha bo‘lgan farzandlari, otasi yoki 18 yoshga to‘lmagan bolasi bo‘lgan ona) (nikoh guvohnomasi va qarindoshlikni belgilovchi hujjatlar nusxasi taqdim etilgan holda) — 15 foiz;
- kollektiv (hamkasblarga) (4 kishidan ortiq — yo‘riqnoma asosida) – 15 foiz;
- “Afrosiyob” tezyurar elektropoyezdlarida barcha toifadagi yo‘lovchilarga — 10 foiz.
Uzbekistan Airways ham Mustaqillikning 30 yilligi munosabati bilan ichki yo‘nalishlarga 50 foizgacha chegirmalar e’lon qildi.
Ushbu chegirmalar 1-sentabrdan 5-sentabrgacha amal qiladi va quyidagi shaxslarga taqdim etiladi:
- yakka tartibdagi yo‘lovchilar uchun — 30 foiz;
- turistik guruhlar (5 va undan ortiq kishi), o‘quvchilar, kollej, litsey, OTM talabalari, IIB, MV, DXX, DSQ, DBQ tizimlari talabalari, eshituvchilari va boshqa idoralar uchun — 40 foiz;
- oila uchun (2 va undan ortiq, ya’ni: er-u xotin va ularning 18 yoshdan oshmagan farzandlari, ota va uning 18 yoshdan oshmagan farzandlari yoki ona va uning 18 yoshdan oshmagan farzandlari) — 50 foiz;
- nafaqaxo’rlar uchun — 50 foiz;
- nogironligi bor shaxslarga — 50 foiz;
- 1941—1945-yillar urush qatnashchilari va ularga tenglashtirilgan shaxslarga — 50 foiz;
- 1941—1945-yillarda urush frontida ko‘rsatgan fidokor mehnati va urush maydonida benuqson harbiy xizmatlari uchun orden va medallar bilan taqdirlanganlar uchun — 50 foiz;
- Chernobil AES halokati oqibatlarini oldini olishda ishtirok etgan ishtirokchilar uchun — 50 foiz.
Izoh (0)