Ўзбекистон Президенти Шавкат Мирзиёев мамлакат мустақиллигининг 30 йиллиги муносабати билан фан, таълим, адабиёт, маданият, санъат ва ОАВ соҳаларининг ходимларини фахрий унвонлар, орденлар ва медаллар билан мукофотлади. Тақдирланганлар қаторидан «Дарё» бўлим муҳаррири Севара Нишонова ҳам ўрин олди.
Президент фармонига асосан Севара Нишонова «Шуҳрат» медали билан мукофотланди.
Маълумот учун, Севара Нишонова 1988 йилда Самарқанд вилояти Булунғур туманида туғилган. 2010 йилда Ўзбекистон давлат жаҳон тиллари университети Халқаро журналистика факультетини тамомлаган. «Дарё» интернет нашридаги фаолиятини 2017 йилда мухбир сифатида бошлаган. 2020 йилдан ҳозирги кунгача бўлим муҳаррири сифатида ишлаб келмоқда.
Бундан аввал Президент фармонига асосан мамлакат мустақиллигининг 29 йиллиги муносабати билан «Дарё» бош муҳаррири ўринбосари Дилшод Шарипов, 8 март — Халқаро хотин-қизлар куни муносабати билан «Дарё» фотомухбири Мадина Нурман «Шуҳрат» медали ҳамда Матбуот ва оммавий ахборот воситалари ходимлари куни муносабати билан «Дарё» мухбири Миролим Исажонов «Келажак бунёдкори» медали билан мукофотланган эди.
Изоҳ (0)