Ayni paytda Prezident Shavkat Mirziyoyev raisligida o‘tkazilayotgan yig‘ilishda davlat rahbari O‘zbekistondagi istirohat bog‘larining bugungi holatini tanqid qildi, deya xabar bermoqda “Daryo” muxbiri.
“Viloyat hokimlari, Boqijonov har bir shahar va tuman markazida kamida 2 tadan “yashil maydon” va jamoat parklarini tashkil qilishga shaxsan mas’ul bo‘ladi. Misol uchun, Qarshi shahridagi 27 gektar maydonga ega Alisher Navoiy istirohat bog‘ining 11 gektari attraksionlardan tozalanib, “sokin hudud”ga aylantirilgan. Ushbu hududda kitobxonlik, she’riyat, burchaklari, 2 kilometr piyoda va veloyo‘laklar tashkil etilgan.
Lekin respublikadagi 300 ga yaqin istirohat bog‘i turli vazirlik va idoralarga qarashli bo‘lib, ularning aksariyati qarovsiz, desak bu ham haqiqat. Misol uchun, Andijon shahrida Madaniyat vazirligi va Yoshlar ittifoqiga qarashli 3 ta istirohat bog‘i ta’mirtalab ahvolda.
Shu bois Abduhakimov viloyat hokimlari bilan birga, bir oy muddatda barcha istirohat bog‘lari va hududidagi mavjud daraxtlarni to‘liq xatlovdan o‘tkazib, ularni rivojlantirish bo‘yicha qaror loyihasini kiritsin.
Viloyat hokimlari yil yakuniga qadar ushbu istirohat bog‘larida aholi uchun “sokin hudud”larni tashkil etsin. Bunda mazkur bog‘larning kamida 60-70 foizi “yashil hudud” bo‘lishi kerak va ushbu hududlarda bino-inshootlar qurilishiga ruxsat berilmaydi”, – dedi davlat rahbari.
Bundan avval Shavkat Mirziyoyev Shavkat Mirziyoyev Ekologiya qo‘mitasi rahbarini nega ishdan olgani hamda O‘zbekistonda daraxtlarni kesishga moratoriy 2024-yilga qadar uzaytirilgani haqida xabar berilgandi.
Izoh (0)