Gretsiya Afg‘onistonni “Tolibon” egallab olganidan keyin qochqinlar Yevropaga kirib olmasligi uchun Turkiya bilan chegarada 40 kilometrlik devorni qurib bitkazdi, deb yozadi “Korrespondent.net”.
“Afg‘onistondagi voqealar Yevropa ittifoqida 2015-yilgi qochqinlar inqirozi takrorlanishi yuzasidan xavotirlarni uyg‘otdi, o‘shanda qariyb bir million kishi Yaqin Sharq va uning tashqarisidagilar urush va nochorliklardan qochib, Turkiya orqali Gretsiyaga yo‘l olgan edi”, — deyiladi xabarda.
Gretsiya ma’lum qilishicha, uning chegara qo‘shinlari yuqori shaylikda bo‘lib turibdi, u yana bir marta Yevropaning darvozasiga aylanmaydi.
Afg‘onistondagi inqiroz “muhojirlar oqimlari uchun imkoniyatlar”ni yaratdi, dedi fuqarolarni himoya qilish vaziri Mixalis Xrisoxoidis Evros hududiga tashrif buyurganidan keyin. “Biz ehtimoliy zarbani kutib, harakatsiz o‘tira olmaymiz”, — dedi u.
Xrisoxoidisning aytishicha, so‘nggi kunlarda mavjud 12,5 kilometrlik devorni kengaytirish ishlari yakunlangan, shuningdek, yuqori texnologiyali avtomatlashtirilgan elektron monitoring tizimi o‘rnatilgan.
Mavzuga doir:
Izoh (0)