Греция Афғонистонни «Толибон» эгаллаб олганидан кейин қочқинлар Европага кириб олмаслиги учун Туркия билан чегарада 40 километрлик деворни қуриб битказди, деб ёзади «Korrespondent.net».
«Афғонистондаги воқеалар Европа иттифоқида 2015 йилги қочқинлар инқирози такрорланиши юзасидан хавотирларни уйғотди, ўшанда қарийб бир миллион киши Яқин Шарқ ва унинг ташқарисидагилар уруш ва ночорликлардан қочиб, Туркия орқали Грецияга йўл олган эди», — дейилади хабарда.
Греция маълум қилишича, унинг чегара қўшинлари юқори шайликда бўлиб турибди, у яна бир марта Европанинг дарвозасига айланмайди.
Афғонистондаги инқироз «муҳожирлар оқимлари учун имкониятлар»ни яратди, деди фуқароларни ҳимоя қилиш вазири Михалис Хрисохоидис Эврос ҳудудига ташриф буюрганидан кейин. «Биз эҳтимолий зарбани кутиб, ҳаракатсиз ўтира олмаймиз», — деди у.
Хрисохоидиснинг айтишича, сўнгги кунларда мавжуд 12,5 километрлик деворни кенгайтириш ишлари якунланган, шунингдек, юқори технологияли автоматлаштирилган электрон мониторинг тизими ўрнатилган.
Изоҳ (0)