Bugun,

  • USD 10920.28
  • RUB 177.49
  • EUR 11052.42

O‘zbekiston Afg‘oniston bilan chegaradosh bo‘lgan Surxondaryo viloyatining Termiz tumanidagi chodirli lagerga 100 dan ortiq afg‘onistonlik qochqinlarni joylashtirdi. Bu haqda “Gazeta.uz” lagerdagi tibbiy markazda ishlaydigan shifokorlardan biriga tayanib xabar berdi.

Foto: “Gazeta.uz”

Sputnik Uzbekistan ma’lumotlariga ko‘ra, qochqinlar soni 150 ga yaqin, ulardan 17 nafari ayollar va bolalar.

Joylashtirishdan oldin ularning barchasi koronavirus infeksiyasiga tekshirilgan — virusni yuqtirganlar aniqlanmagan. Bu odamlarning yashash muddati va keyingi taqdiri haqida hozircha xabar berilmagan.

Bundan tashqari, agentlik xabariga ko‘ra, O‘zbekistonga samolyot orqali kelgan 650 ga yaqin afg‘on harbiylari mahalliy harbiy poligon yaqinidagi kovid-markaziga vaqtincha joylashtirilgan.

Bundan avval Germaniyaning ikkinchi evakuatsiya samolyoti 125 nafar yo‘lovchi bilan Afg‘onistondan Toshkentga uchib kelgani hamda Toshkent mahalliy aeroporti Afg‘onistondan Yevropa Ittifoqi va afg‘onlarni evakuatsiya qilish jarayoni tufayli vaqtincha yopilgani haqida xabar berilgandi.

Avvalroq O‘zbekiston DXX Chegara qo‘shinlari Afg‘oniston bilan chegara yaqinida qochqinlar uchun chodirlar shaharchasi qurilayotganini inkor qilgan edi.

Izoh
Asosiy yangiliklar
Sport
Foto: Boks afsonasi Mayk Tayson nogironlar aravachasida
Dunyo
Argentinada ish haqini oshirish talabi bilan ommaviy namoyishlar bo‘lib o‘tmoqda (foto)
Mahalliy
“Avtomobillarga gazni belgilangan miqdordan ortiq quyish holatlariga bir necha bor guvoh bo‘ldik” —  senator