O‘zbekistonda 22-avgust kuni texnik profilaktika ishlari sabab notariuslar ishlamaydi. Bu haqda Adliya vazirligi xabar qildi.
Ma’lum qilinishicha, 2021-yil 22-avgust kuni O‘zbekiston Bosh prokuraturasi huzuridagi Majburiy ijro byurosi hamda Davlat soliq qo‘mitasining elektron bazalarida texnik profilaktika ishlari o‘tkazilishi sababli ushbu axborot tizimlari ishlamaydi.
Shu sababli 22-avgust (yakshanba) kuni notariuslar tomonidan notarial harakatlarni amalga oshirish to‘xtatib turiladi.
Eslatib o‘tamiz, 2020-yilning avgust oyida ham shunday holat kuzatilgandi. Unda “Notarius” avtomatlashtirilgan axborot tizimida muammolar kuzatilgani bois 29-avgust kuni soat 19:00 dan 1-sentabr kuni soat 19:00 ga qadar notariuslar faoliyat ko‘rsatmagan.
Izoh (0)