Skarlett Yoxansson va komik aktyor Kolin Jost oilasida uzoq kutilgan chaqaloq dunyoga keldi. Aktrisaning turmush o‘rtog‘i bu xushxabarni Instagram’dagi obunachilari bilan bo‘lishdi.
“Biz farzandli bo‘ldik. Uning ismi Kosmo va uni juda yaxshi ko‘ramiz”, — deb yozgan ssenarist mikroblogida. Bundan tashqari, shoumen muxlislardan shaxsiy hayotlarini hurmat qilishlarini ham so‘ragan.
https://www.instagram.com/p/CSuiWHxlah-/?utm_source=ig_web_copy_link
Tan berish kerakki, aktrisa farzandi dunyoga kelgunga qadar homiladorligini mohirona tarzda yashira olgan. Skarlett qorni sezilarli darajada bilina boshlagach, omma e’tiboridan qochishga harakat qilgan va hatto “Qora beva” filmining premyerasida ham ishtirok etmagan.
Eslatib o‘tamiz, yangi tug‘ilgan chaqaloq Skarlet Yoxanssonning ikkinchi farzandi. Yulduz, shuningdek, fransuz jurnalisti Romen Doriak bilan turmushidan bo‘lgan qizini ham tarbiyalaydi.
Mavzuga doir:
- Disney Skarlett Yoxansson ishtirokidagi barcha loyihalarni yakunlashga qaror qildi
- Skarlett Yoxansson, Yelena Malisheva va boshqa egizagi bor mashhurlar (foto)
- Skarlett Yoxansson “Qora beva” kinoteatrlar va Disney striming servisida bir vaqtning o‘zida chiqqani uchun studiyani sudga berdi. Oqibatda aktrisaning gonorari kamayib ketgan
- Yoxanssondan popkorn, Klunidan tekila: Gollivud yulduzlarining qo‘shimcha daromadlari
Izoh (0)