1995-yilda malika Diana BBC’ga intervyu bergandan so‘ng boshlangan janjal shu kungacha davom etib keladi. Va nihoyat, qirollik oilasi mazkur suhbat uchun telekanaldan 1,5 million dollar tovon puli oladigan bo‘ldi, deb xabar beradi PeopleTalk.
Shov-shuvlarga sabab bo‘lgan o‘sha intervyuda malika Diana jurnalist Martin Bashirga qirollik oilasida yashash juda qiyinligini aytgan. U o‘shanda birinchi marta eri shahzoda Charlz boshqa ayolni sevishini tan olgan. Ko‘rinib turibdiki, Diana bu intervyuga Yelizaveta II ning ruxsatisiz rozi bo‘lgan.
Tergov xulosasiga ko‘ra, jurnalist malika Diana bilan intervyu olishda nohaq usullardan foydalangan. Ma’lum bo‘lishicha, Bashir malikaning ishonchini qozonish uchun bank hisob varaqlarini soxtalashtirgan va haqiqatga to‘g‘ri kelmaydigan hikoyalarni to‘qib chiqargan. Qirollik manbasiga ko‘ra, bu tergovda shahzoda Uilyam ham ishtirok etgan.
Xorijiy OAV xabarlariga ko‘ra, qirollik oilasi kompensatsiya sifatida oladigan pullar xayriya ishlariga sarflanadi. Qayd etilishicha, bu summa kanalga o‘sha intervyuni namoyish etish huquqini sotishdan tushgan daromad foizini o‘z ichiga oladi.
Eslatib o‘tamiz, aynan shu intervyu malika Diana hayotidagi kelishmovchiliklarning boshlanishi edi. Suhbatni 23 milliondan ortiq kishi tomosha qilgan va u haligacha Britaniya televideniyesi tarixidagi eng yuqori reytinglarni band qilib turibdi. Mazkur intervyu sabab Yelizaveta II shahzoda Charlz va malika Diananing ajrashishini talab qilgandi.
Mavzuga doir:
- Malika Diananing o‘g‘illari London g‘arbida onasiga atab haykal o‘rnattirdi. Shahzoda Charlz marosimga kelmadi
- Qirollik oilasi hayotining o‘ziga xos afzalliklari
- Malika Diananing avtomobili auksion orqali kutilganidan ham qimmatroq narxga sotildi
- Foto: Malika Diana, Sheron Stoun va tan soqchilarini sevib qolgan boshqa yulduzlar
Izoh (0)