Samarqand shahrida 3 yoshli o‘g‘lini 600 dollarga sotmoqchi bo‘lgan 19 yoshli ayol va uning onasiga sud hukmi o‘qildi. Bu haqda Oliy sud matbuot xizmati xabar berdi.
Ma’lum qilinishicha, 3 yoshli bolakay qiz 17 yoshligida shar’iy nikoh bilan tug‘ilgan. 43 yoshli ona yosh qizining kelajagi uchun bolani sotishga undagan. Qizning o‘zi esa onasini davolatish uchun pul kerak bo‘lgani sababli uni sotishga qaror qilganini aytgan.
Qiz va uning onasi kafelardan birida bolani sotish uchun pul olayotganida ushlangan.
Sud ularga nisbatan Jinoyat kodeksining 135-moddasi (odam savdosi) 3-qismi “a” bandi bilan aybdor deb topgan va ularning aybiga pushaymon ekanligini inobatga olib, Jinoyat kodeksining 57-moddasini (yengilroq jazo tayinlash) qo‘llab, 4 yil 6 oy muddatga ozodlikdan mahrum qilish jazosini tayinlagan.
Izoh (0)