Самарқанд шаҳрида 3 ёшли ўғлини 600 долларга сотмоқчи бўлган 19 ёшли аёл ва унинг онасига суд ҳукми ўқилди. Бу ҳақда Олий суд матбуот хизмати хабар берди.
Маълум қилинишича, 3 ёшли болакай қиз 17 ёшлигида шаръий никоҳ билан туғилган. 43 ёшли она ёш қизининг келажаги учун болани сотишга ундаган. Қизнинг ўзи эса онасини даволатиш учун пул керак бўлгани сабабли уни сотишга қарор қилганини айтган.
Қиз ва унинг онаси кафелардан бирида болани сотиш учун пул олаётганида ушланган.
Суд уларга нисбатан Жиноят кодексининг 135-моддаси (одам савдоси) 3-қисми «а» банди билан айбдор деб топган ва уларнинг айбига пушаймон эканлигини инобатга олиб, Жиноят кодексининг 57-моддасини (енгилроқ жазо тайинлаш) қўллаб, 4 йил 6 ой муддатга озодликдан маҳрум қилиш жазосини тайинлаган.
Изоҳ (0)