Yurak urishi tezligi yoshga va yurak holatiga qarab o‘zgarib turadi. Shuningdek, bir qator holatlarda ham yurak urishi tezligi oshadi. Yuqori yurak urishining sababini aniqlash uchun klinik va laboratoriya tekshiruvlaridan o‘tish zarur.
Normal yurak urish tezligi
Bolalarda yurak urish tezligi bir daqiqada 130, kattalarda esa 60 dan 100 gacha o‘zgarishi mumkin. Urish tezligi daqiqasiga 100 martadan oshsa, taxikardiya yuzaga keladi.
Yurak urish tezligining belgilari:
- havo yetishmasligi;
- bosh aylanishi;
- yurak sohasidagi og‘irlik;
- qo‘l va oyoqlardagi zaiflik.
Bu alomatlar yurakning turli organlar va to‘qimalarga qon quyish vazifasini bajarishda qiyinchilik tufayli kislorod yetishmasligidan kelib chiqadi. Bunday buzilishlar kislorod yetishmasligiga va yurak tezligining tezlashishi (taxikardiya)ga olib keladi.
Mavzuga doir: Yurak xuruji xavfidan dalolat beradigan yangi belgi nomi e’lon qilindi
Nima uchun yurak urishi tezlashadi?
Ba’zida yurak urishining tezlashishi jismoniy mashqlar va sportning tabiiy natijasidir. Ammo jismoniy kuch sarf qilmasangiz ham, taxikardiya bilan bog‘liq alomatlarni sezsangiz, demak, sizda yurak xastaligi bor.
Taxikardiya quyidagi organlardagi muammolar yoki kasalliklar tufayli yuzaga kelishi mumkin:
- qalqonsimon bez;
- yurak, masalan, gipertenziya (yuqori qon bosimi), ishemiya kasalligi, miokardit;
- buyrak;
- taxikardiya, shuningdek, kamqonlik, suvsizlanish yoki qonda qand miqdorining pastligi tufayli bo‘lishi mumkin;
- ko‘pincha taxikardiya qon bosimining keskin pasayishi bilan izohlanadi.
Yurak ritmi buzilishining sababini aniqlash uchun, albatta, shifokorga murojaat qiling, tekshiruvdan o‘ting.
Mavzuga doir: Yurak salomatligini asrashga yordam beradigan tuz miqdori kam mahsulotlar
Yurak urish tezligini qanday sekinlashtirish mumkin:
- Yurakni tinchlantirish uchun stressdan qochish, yetarlicha uxlash va xotirjamlikni saqlash muhim.
- Yana bir oddiy chora — tez-tez peshobga borish. Agar bir amallab chidab yursangiz, hojatxonaga tez-tez bormasangiz, bu asab tizimiga va qon tomirlariga salbiy ta’sir qiladi, yurak urish tezligini oshiradi.
- Chuqur va sekin nafas olish ham yurak urishini tinchlantiradi.
- Kaliy, kalsiy va magniyga boy ovqatlar ham yurak urishi tezligini kamaytirishga yordam beradi. Ratsionga tinchlantiruvchi dorivor o‘tli choylarni kiritish ham yaxshi samara beradi.
Mavzuga doir:
Izoh (0)