Юрак уриши тезлиги ёшга ва юрак ҳолатига қараб ўзгариб туради. Шунингдек, бир қатор ҳолатларда ҳам юрак уриши тезлиги ошади. Юқори юрак уришининг сабабини аниқлаш учун клиник ва лаборатория текширувларидан ўтиш зарур.
Нормал юрак уриш тезлиги
Болаларда юрак уриш тезлиги бир дақиқада 130, катталарда эса 60 дан 100 гача ўзгариши мумкин. Уриш тезлиги дақиқасига 100 мартадан ошса, тахикардия юзага келади.
Юрак уриш тезлигининг белгилари:
- ҳаво етишмаслиги;
- бош айланиши;
- юрак соҳасидаги оғирлик;
- қўл ва оёқлардаги заифлик.
Бу аломатлар юракнинг турли органлар ва тўқималарга қон қуйиш вазифасини бажаришда қийинчилик туфайли кислород етишмаслигидан келиб чиқади. Бундай бузилишлар кислород етишмаслигига ва юрак тезлигининг тезлашиши (тахикардия)га олиб келади.
Мавзуга доир: Юрак хуружи хавфидан далолат берадиган янги белги номи эълон қилинди
Нима учун юрак уриши тезлашади?
Баъзида юрак уришининг тезлашиши жисмоний машқлар ва спортнинг табиий натижасидир. Аммо жисмоний куч сарф қилмасангиз ҳам, тахикардия билан боғлиқ аломатларни сезсангиз, демак, сизда юрак хасталиги бор.
Тахикардия қуйидаги органлардаги муаммолар ёки касалликлар туфайли юзага келиши мумкин:
- қалқонсимон без;
- юрак, масалан, гипертензия (юқори қон босими), ишемия касаллиги, миокардит;
- буйрак;
- тахикардия, шунингдек, камқонлик, сувсизланиш ёки қонда қанд миқдорининг пастлиги туфайли бўлиши мумкин;
- кўпинча тахикардия қон босимининг кескин пасайиши билан изоҳланади.
Юрак ритми бузилишининг сабабини аниқлаш учун, албатта, шифокорга мурожаат қилинг, текширувдан ўтинг.
Мавзуга доир: Юрак саломатлигини асрашга ёрдам берадиган туз миқдори кам маҳсулотлар
Юрак уриш тезлигини қандай секинлаштириш мумкин:
- Юракни тинчлантириш учун стрессдан қочиш, етарлича ухлаш ва хотиржамликни сақлаш муҳим.
- Яна бир оддий чора — тез-тез пешобга бориш. Агар бир амаллаб чидаб юрсангиз, ҳожатхонага тез-тез бормасангиз, бу асаб тизимига ва қон томирларига салбий таъсир қилади, юрак уриш тезлигини оширади.
- Чуқур ва секин нафас олиш ҳам юрак уришини тинчлантиради.
- Калий, кальций ва магнийга бой овқатлар ҳам юрак уриши тезлигини камайтиришга ёрдам беради. Рационга тинчлантирувчи доривор ўтли чойларни киритиш ҳам яхши самара беради.
Мавзуга доир:
Изоҳ (0)