Samarqand viloyati Pastdarg‘om tumanida sodir bo‘lgan yo‘l-transport hodisasi oqibatida bir kishi halok bo‘ldi, deb xabar beradi IIV YHXBB axborot xizmati.
Ma’lum qilinishicha, 17-avgust kuni soat 10:30 larda Pastdarg‘om hududidan o‘tgan 4R-46 avtomobil yo‘lining 22-kilometrida 60 yoshli Ya.A boshqaruvidagi Lacetti qarama-qarshi yo‘nalishga chiqib ketgan. Buning natijasida avtomobil 35 yoshli X.B. boshqaruvidagi “VAZ-21063”, 29 yoshli Sh.M. boshqaruvidagi “VAZ-21011” hamda 40 yoshli G‘.X. boshqaruvidagi Damas avtomobillariga urilib, to‘qnashuv sodir etgan.
Avariya oqibatida “VAZ-21011” rusumli avtomobil yo‘lovchisi Z.B. og‘ir tan jarohatlari bilan voqea joyida vafot etgan. Shuningdek, ikki nafar fuqaro tan jarohati bilan shifoxonaga olib ketilgan.
Mazkur YTH yuzasidan Pastdarg‘om tumani IIB huzuridagi Tergov bo‘limi tomonidan dastlabki tergovoldi surishtiruv harakatlari olib borilmoqda.
Avvalroq Jizzaxda Cobalt va “ZIL” to‘qnashuvi oqibatida yo‘lovchi halok bo‘lgani, Toshkentda 7 ta avtomobil ishtirokida YTH sodir bo‘lgani, Namanganda Damas va Nexia to‘qnashuvi oqibatida haydovchilardan biri vafot etgani to‘g‘risida xabar berilgandi.
Mavzuga doir:
- Toshkentda Nexia bilan to‘qnashgan Matiz ag‘darilib ketdi
- Аndijonda voyaga yetmagan bola boshqaruvidagi avtomobil ishtirokida YTH sodir bo‘ldi. Oqibatda haydovchining 13 yoshli ukasi vafot etdi
- Toshkentdagi “Bek to‘pi” savdo markazi ro‘parasida avtokran hamda Volvo yuk mashinasi to‘qnashib ketdi (video)
Izoh (0)