Самарқанд вилояти Пастдарғом туманида содир бўлган йўл-транспорт ҳодисаси оқибатида бир киши ҳалок бўлди, деб хабар беради ИИВ ЙҲХББ ахборот хизмати.
Маълум қилинишича, 17 август куни соат 10:30 ларда Пастдарғом ҳудудидан ўтган 4Р-46 автомобиль йўлининг 22-километрида 60 ёшли Я.А бошқарувидаги Lacetti қарама-қарши йўналишга чиқиб кетган. Бунинг натижасида автомобиль 35 ёшли Х.Б. бошқарувидаги «ВАЗ-21063», 29 ёшли Ш.М. бошқарувидаги «ВАЗ-21011» ҳамда 40 ёшли Ғ.Х. бошқарувидаги Damas автомобилларига урилиб, тўқнашув содир этган.
Авария оқибатида «ВАЗ-21011» русумли автомобиль йўловчиси З.Б. оғир тан жароҳатлари билан воқеа жойида вафот этган. Шунингдек, икки нафар фуқаро тан жароҳати билан шифохонага олиб кетилган.
Мазкур ЙТҲ юзасидан Пастдарғом тумани ИИБ ҳузуридаги Тергов бўлими томонидан дастлабки терговолди суриштирув ҳаракатлари олиб борилмоқда.
Аввалроқ Жиззахда Cobalt ва «ЗИЛ» тўқнашуви оқибатида йўловчи ҳалок бўлгани, Тошкентда 7 та автомобиль иштирокида ЙТҲ содир бўлгани, Наманганда Damas ва Nexia тўқнашуви оқибатида ҳайдовчилардан бири вафот этгани тўғрисида хабар берилганди.
Мавзуга доир:
Изоҳ (0)