Toshkent viloyatining Chinoz tumanida “Jihodchilar” ekstremistik oqimi a’zolarining 10 nafari qo‘lga olindi, deb xabar bermoqda Toshkent viloyati IIBB matbuot xizmati.
Avvalroq Toshkent viloyatida jamoat tartibini saqlash, fuqarolar xavfsizligini ta’minlash, jinoyat va huquqbuzarliklarning oldini olishga qaratilgan “Xavfsiz hudud” keng qamrovli profilaktik tadbirlari o‘tkazilayotgani va Zangiota tumanida ushbu tadbir natijasida yashirin ravishda ekstremistik faoliyat bilan shug‘ullanib kelayotgan bir guruh shaxslar aniqlangani haqida xabar berilgandi.
Xabarga ko‘ra, hozirda ushbu tadbir IIBB va hamkor tashkilotlar bilan birgalikda viloyatning barcha shahar, tumanlari kesimida davom ettirilyapti.
Jumladan, DXX Toshkent viloyati boshqarmasi hamda viloyat IIBB tomonidan Chinoz tumanida o‘tkazilgan tezkor tadbirda yashirin faoliyat olib borayotgan “Jihodchilar” oqimi a’zolarining 10 nafari qo‘lga olingan.
Surishtiruv davomida ushbu shaxslar “jihod” maqsadida Suriya davlatiga chiqishni rejalashtirgani aniqlangan. Hozirda holat yuzasidan tergov harakatlari davom ettirilmoqda.
Mavzuga doir:
- Qo‘qonda Suriyadagi terrorchilik tashkiloti tarkibiga kirmoqchi bo‘lgan “Jihodchilar” oqimi tarafdorlari faoliyatiga chek qo‘yildi
- Suriyadagi terrorchilar safiga qo‘shilmoqchi bo‘lgan 26 yoshli andijonlik shaxs qo‘lga olindi
- Suxondaryo va Jizzaxda “Jihodchilar”ning ikkita guruhi a’zolari qo‘lga olindi (video)
Izoh (0)