Jizzax viloyatida belgilangan me’yoridan ortiqcha yuk ortgan “ZIL” yuk mashinasi ag‘darilib ketdi, deb xabar beradi IIV YHXBB axborot xizmati.
Ma’lum qilinishicha, viloyatning Sharof Rashidov tumani hududidan o‘tgan M-39 avtomobil yo‘lida ortiqcha yuk ortilgan yuk mashinasi yo‘lni ikkiga ajratib turuvchi beton to‘siqqa urilib, ag‘darilib ketgan.
Sodir bo‘lgan yo‘l-transport hodisasi oqibatida avtomobil yo‘lida tirbandlik yuzaga kelgan. Videodan ko‘rish mumkinki, ag‘anab yotgan yuk mashinasi ekskavator yordamida turg‘izilgan.
Avvalroq Toshkentda Nexia bilan to‘qnashgan Matiz ag‘darilib ketgani, Toshkentda yo‘lovchilar bo‘lgan “Gazel” YTHga uchrab ag‘darilgani, Buxoroda Matiz boshqaruvni yo‘qotib, oqar suvga tushib ketishi oqibatida haydovchi vafot etgani, Parkentda tormozi ishdan chiqqan Howo yuk mashinasi 7 ta avtomobil bilan to‘qnashgani to‘g‘risida xabarlar berilgandi.
Izoh (0)