“Yangi O‘zbekiston” nashrida 17-avgust kuni Shavkat Mirziyoyev bergan intervyu e’lon qilinadi. Bu haqda 16-avgust kuni o‘tkazilgan brifingda Prezident matbuot kotibi Sherzod Asadov ma’lum qildi, deb xabar bermoqda “Daryo” muxbiri.
Ma’lum qilinishicha, Prezident bilan gazeta bosh muharriri Salim Doniyorov suhbatda bo‘lgan. Intervyuda O‘zbekistonning oxirgi 5 yillikdagi rivojlanish yo‘li, ichki va tashqi siyosati, hozirgi kundagi ustuvor vazifalar haqida so‘z boradi.
“Ishonchim komilki, bu suhbat keng qamrovliligi, faktlarga boyligi va dasturiy ahamiyatga egaligi bilan barcha vatandoshlarimizda, shuningdek, xorijiy ekspertlarda katta qiziqish uyg‘otadi”, — deydi Prezident matbuot kotibi.
Ta’kidlash joizki, bu Shavkat Mirziyoyevning Prezident bo‘lganidan buyon mahalliy matbuotga bergan birinchi intervyusi. Prezident ilk intervyusini 2017-yilning mart oyida Ostonaga tashrifi arafasida Qozog‘istonning “Kazinform” nashriga bergan.
Davlat rahbari 24-iyul kuni 61 yoshni qarshilagan kuni “Milliy TV” va “O‘zbekiston 24” telekanallari orqali “Janob Prezident” nomli maxsus film namoyish etilgandi. Filmdan O‘zbekiston davlat rahbarining intervyusi ham o‘rin olgan bo‘lib, intervyu davomida Shavkat Mirziyoyev o‘z oilasi haqida ham to‘xtalib o‘tgandi.
Prezident Namangan viloyatiga tashrifi davomida Namangan shahridagi “Ishga marhamat” monomarkazida ilk bor jurnalistlar bilan muloqot qildi.
Mavzuga doir:
- Shavkat Mirziyoyev: Jurnalistlar ko‘pchilikka yoqmaydi, lekin menga yoqadi. Ularga rahmat!
- “Ular borligi uchun muammolar oshkor etilyapti”. Shavkat Mirziyoyev jurnalist va blogerlarga minnatdorlik bildirdi
- Shavkat Mirziyoyev: Professional jurnalistlarni qo‘llab-quvvatlashga hamisha tayyorman
- “Men tizimdagi muammolarni ko‘tarib chiqayotgan, yoritib berayotgan jurnalist va blogerlardan xursandman” — Shavkat Mirziyoyev jurnalist va blogerlar haqida
Izoh (0)