«Янги Ўзбекистон» нашрида 17 август куни Шавкат Мирзиёев берган интервью эълон қилинади. Бу ҳақда 16 август куни ўтказилган брифингда Президент матбуот котиби Шерзод Асадов маълум қилди, деб хабар бермоқда «Дарё» мухбири.
Маълум қилинишича, Президент билан газета бош муҳаррири Салим Дониёров суҳбатда бўлган. Интервьюда Ўзбекистоннинг охирги 5 йилликдаги ривожланиш йўли, ички ва ташқи сиёсати, ҳозирги кундаги устувор вазифалар ҳақида сўз боради.
«Ишончим комилки, бу суҳбат кенг қамровлилиги, фактларга бойлиги ва дастурий аҳамиятга эгалиги билан барча ватандошларимизда, шунингдек, хорижий экспертларда катта қизиқиш уйғотади», — дейди Президент матбуот котиби.
Таъкидлаш жоизки, бу Шавкат Мирзиёевнинг Президент бўлганидан буён маҳаллий матбуотга берган биринчи интервьюси. Президент илк интервьюсини 2017 йилнинг март ойида Остонага ташрифи арафасида Қозоғистоннинг «Kazinform» нашрига берган.
Давлат раҳбари 24 июль куни 61 ёшни қаршилаган куни «Milliy TV» ва «Ўзбекистон 24» телеканаллари орқали «Жаноб Президент» номли махсус фильм намойиш этилганди. Фильмдан Ўзбекистон давлат раҳбарининг интервьюси ҳам ўрин олган бўлиб, интервью давомида Шавкат Мирзиёев ўз оиласи ҳақида ҳам тўхталиб ўтганди.
Президент Наманган вилоятига ташрифи давомида Наманган шаҳридаги «Ишга марҳамат» мономарказида илк бор журналистлар билан мулоқот қилди.
Мавзуга доир:
- Шавкат Мирзиёев: Журналистлар кўпчиликка ёқмайди, лекин менга ёқади. Уларга раҳмат!
- «Улар борлиги учун муаммолар ошкор этиляпти». Шавкат Мирзиёев журналист ва блогерларга миннатдорлик билдирди
- Шавкат Мирзиёев: Профессионал журналистларни қўллаб-қувватлашга ҳамиша тайёрман
- «Мен тизимдаги муаммоларни кўтариб чиқаётган, ёритиб бераётган журналист ва блогерлардан хурсандман» — Шавкат Мирзиёев журналист ва блогерлар ҳақида
Изоҳ (0)