O‘zbekiston Prezidenti Shavkat Mirziyoyev Tokio Olimpiadasida ishtirok etgan sportchilar, ularning ota-onalari va murabbiylari bilan uchrashdi. Ushbu uchrashuvda Prezident xorijdan legioner sportchilarni olib kelish tajribasini tanqid qildi.
Shu o‘rinda katta xarajatlar evaziga xorijdan sportchilarni (legioner) olib kelish tajribasi unchalik ham o‘zini oqlamayotganini ochiq aytishimiz kerak.Shuningdek, Shavkat Mirziyoyev 2024-yilda Parijda bo‘lib o‘tadigan Olimpiya o‘yinlariga tayyorgarlik ko‘rish haqida gapirib, medallar bo‘yicha yetakchi 15 ta davlat qatoridan o‘rin olish uchun imkoniyatlar borligini ta’kidladi.Bunday amaliyotdan voz kechib, mahalliy sportchilarimizni tarbiyalashga jiddiy e’tibor qaratadigan payt keldi.
Xorijdan legionerlar emas, yetuk mutaxassislarni hamda sportchilarni tayyorlash metodikasini olib kelish kerak.
Shavkat Mirziyoyev, O‘zbekiston Prezidenti
“Parijda bo‘lib o‘tadigan navbatdagi yozgi Olimpiadaga 100 dan ziyod litsenziyani qo‘lga kiritish va medallar bo‘yicha yetakchi 15 ta mamlakat qatoridan joy olish uchun hamma imkoniyatlarimiz bor.
Har bir hudud kesimida Olimpiada o‘yinlariga hozirlik ko‘rish dasturlarini ishlab chiqib, uni tizimli tashkil etish kerak.
Sport ta’lim muassasalarida Paralimpiya bo‘limlarini tashkil etib, ularga 10 foiz qo‘shimcha kvotalar ajratish yaxshi natija berishi mumkin.
Sportchilarni o‘qitishda ota-onalar tomonidan pul to‘lash tartibini bekor qilish zarur. Shuningdek, bitiruvchilarni oliy ta’lim muassasalariga jismoniy tarbiya va sport yo‘nalishlari bo‘yicha davlat granti asosida to‘g‘ridan-to‘g‘ri ikkinchi bosqichga, imtihon sinovlarisiz qabul qilish tizimini ham joriy etishimiz kerak”, — deydi Prezident.
Tokio Olimpiadasida Javrail Shapiyev, Magomed Ibragimov (erkin kursh), Rustam Assakalov (yunon-rum kurashi), Olga Zabelinskaya (velosport), Aleksandr Savkin, Alise Faxrutdinova (zamonaviy beshkurash) kabi xorijlik sportchilar O‘zbekiston nomidan qatnashdi.
Izoh (0)