Cobalt avtomobili 2021-yilning iyul oyida ham Qozog‘istonda eng ko‘p sotilgan avtomobil maqomini saqlab qoldi. Bu haqda Qozog‘iston avtobiznes assotsiatsiyasiga tayanib, UzAuto Motors xabar berdi.
Qo‘shni respublikada o‘tgan oy davomida ushbu modeldagi avtomobildan 1555 dona sotilgan. Eng ko‘p sotilgan Chevrolet modellari orasida ikkinchi o‘rin Nexia’ga nasib etgan — 1246 dona, uchinchi pog‘onadan esa Hyundai Accent o‘rin olgan — 830 dona.
Chevrolet Qozog‘istonda eng ko‘p avtomobil sotayotgan kompaniyalar — Hyundai (2012 dona), Kia (1216 dona), Toyota (1199 dona) va Lada (518 dona)ni ortda qoldirib, birinchi o‘rinda ketmoqda (jami 3094 dona).
“Newauto.kz” saytida (Qozog‘istondagi avtosalonlar agregatori) Cobalt narxi jamlanmasidan kelib chiqib, 4,7 million tengedan 5 million tengegacha ekanligi ko‘rsatilgan (113 milliondan 120 million so‘mgacha).
Eslatib o‘tamiz, 2020-yilning martida UzAuto Motors Qozog‘istonda Chevrolet ishlab chiqarishni boshlagan. Dastlabki bosqichda ishlab chiqarish hajmi yiliga 26 000 transport vositasini tashkil qiladi, kelgusida uni 100 000 donaga yetkazish ko‘zda tutilgan.
Shu bilan birga, Spot’ning yozishicha, O‘zbekistonning o‘zida Cobalt modelini xarid qilishga uzun navbat davom etmoqda — mazkur xabarni yozish vaqtida navbat 9341 tani tashkil etgan. Eng ko‘p navbat Lacetti modeliga kuzatilyapti — 27 855 ta.
Mavzuga doir: UzAuto Motors’ning sof foydasi qariyb 70 foizga o‘sdi
Izoh (0)