Ўзбекистон Президенти Шавкат Мирзиёев Токио Олимпиадасида иштирок этган спортчилар, уларнинг ота-оналари ва мураббийлари билан учрашди. Ушбу учрашувда Президент хориждан легионер спортчиларни олиб келиш тажрибасини танқид қилди.
Шу ўринда катта харажатлар эвазига хориждан спортчиларни (легионер) олиб келиш тажрибаси унчалик ҳам ўзини оқламаётганини очиқ айтишимиз керак.Шунингдек, Шавкат Мирзиёев 2024 йилда Парижда бўлиб ўтадиган Олимпия ўйинларига тайёргарлик кўриш ҳақида гапириб, медаллар бўйича етакчи 15 та давлат қаторидан ўрин олиш учун имкониятлар борлигини таъкидлади.Бундай амалиётдан воз кечиб, маҳаллий спортчиларимизни тарбиялашга жиддий эътибор қаратадиган пайт келди.
Хориждан легионерлар эмас, етук мутахассисларни ҳамда спортчиларни тайёрлаш методикасини олиб келиш керак.
Шавкат Мирзиёев, Ўзбекистон Президенти
«Парижда бўлиб ўтадиган навбатдаги ёзги Олимпиадага 100 дан зиёд лицензияни қўлга киритиш ва медаллар бўйича етакчи 15 та мамлакат қаторидан жой олиш учун ҳамма имкониятларимиз бор.
Ҳар бир ҳудуд кесимида Олимпиада ўйинларига ҳозирлик кўриш дастурларини ишлаб чиқиб, уни тизимли ташкил этиш керак.
Спорт таълим муассасаларида Паралимпия бўлимларини ташкил этиб, уларга 10 фоиз қўшимча квоталар ажратиш яхши натижа бериши мумкин.
Спортчиларни ўқитишда ота-оналар томонидан пул тўлаш тартибини бекор қилиш зарур. Шунингдек, битирувчиларни олий таълим муассасаларига жисмоний тарбия ва спорт йўналишлари бўйича давлат гранти асосида тўғридан-тўғри иккинчи босқичга, имтиҳон синовларисиз қабул қилиш тизимини ҳам жорий этишимиз керак», — дейди Президент.
Токио Олимпиадасида Жавраил Шапиев, Магомед Ибрагимов (эркин курш), Рустам Ассакалов (юнон-рум кураши), Олга Забелинская (велоспорт), Александр Савкин, Алисе Фахрутдинова (замонавий бешкураш) каби хорижлик спортчилар Ўзбекистон номидан қатнашди.
Изоҳ (0)