Наманган шаҳрида яшовчи фуқаро ички ишлар идораларига мурожаат қилиб, йирик миқдордаги пуллари ўғирлаб кетилганини маълум қилди. Бу ҳақда «Дарё» мухбири хабар бермоқда.
Ҳодиса 2021 йил 5 август куни Наманган шаҳридаги бозорлардан бирида рўй берган. Шу куни соат 10.00 лар атрофида номаълум шахс савдо растаси устида бўлган, целлофан пакетга ўралган 1200 АҚШ доллари ва 8,4 миллион сўмни ўғирлаб кетган.
ИИБ жиноят-қидирув бўлими тезкор вакиллари томонидан олиб борилган қидирув ва суриштирув ишлари натижасида ушбу жиноятни Наманган шаҳри, Давлатобод туманида яшовчи, 1999- йилда туғилган аёл содир этганлиги аниқланди.
Наманган вилоят ИИБ матбуот хизматининг билдиришича, ушбу ҳолат юзасидан Наманган шаҳар ИИО ФМБ ҳузуридаги тергов бўлими томонидан 2021 йил 7 август куни жиноят иши қўзғатилди. Ҳозирда тергов ҳаракатлари олиб борилмоқда.
Изоҳ (0)