Bahodir Jalolov Tokio—2020 finali haqida: “Birinchi raundda kuchli zarba o‘tkazib yubordim. Juda og‘ir bo‘ldi”

Tokio—2020 Olimpiadasida boks bo‘yicha +90 kg vazn toifasida oltin medalini qo‘lga kiritgan Bahodir Jalolov musobaqa haqidagi fikrlari bilan o‘rtoqlashdi. Bu haqda “Daryo” muxbiri xabar qilmoqda.

Final jangining birinchi raundida bitta sezilari zarba o‘tkazib yubordim. O‘sha vaqtda o‘zimni yo‘qotib qo‘ydim. Kalima qaytardim, yurtboshimga, xalqimga bergan va’damni esladim va o‘zimni qo‘lga oldim. Juda qiyin bo‘ldi. Biroq ikkinchi va uchinchi raundda bor kuchim bilan harakat qilib, g‘alabaga erishdim. Bu butun O‘zbekistonning yutug‘i, ularni o‘ylab, o‘zimga motivatsiya oldim.

Har bir sportchi ringga yutaman deb chiqadi, men ham ularning har birini hurmat qilaman.

Bahodir Jalolov, bokschi