Saudiya Arabistonining Flynas aviakompaniyasi O‘zbekistonga muntazam qatnovlarni amalga oshirishni rejalashtirayotgani haqida xabar berilgan edi. Turizm va sport vazirligi axborot xizmatining “Daryo”ga ma’lum qilishicha, 5-avgust kuni ushbu aviakompaniya Ar-Riyod shahridan Toshkentga birinchi aviaparvozini amalga oshirdi.
A320NEO samolyoti Toshkent vaqti bilan soat 12:30 da Islom Karimov nomidagi xalqaro aeroportga qo‘ngan. Flynas kompaniyasining birinchi reysini Turizm va sport vazirligi hamda Transport vazirligi xodimlari va OAV vakillari kutib olgan.
Qayd etilishicha, Flynas parvozlari muntazamligini hisobga olib, sayyohlar oqimi ko‘paytiriladi, O‘zbekistonning yirik turistik kompaniya va agentliklari vakillarini Saudiya Arabistoniga yuboriladi. U yerda O‘zbekiston turizm salohiyatiga bag‘ishlangan taqdimotlar o‘tkaziladi.
Izoh (0)