KXDR yetakchisi Kim Chen Inning boshi orqasida qandaydir dog‘lar yoki kichkina “plastir” yopishtirilgan holda tushgan fotosuratlari Janubiy Koreya matbuoti va boshqa kuzatuvchilarning e’tiborini tortdi. Bu haqda birinchi bo‘lib Janubiy Koreyaning NK News axborot sayti yozdi, saytga Kim Chen Inning iyul oyi oxirida olingan bir nechta fotosuratlari joylashtirildi.
Xorijiy kuzatuvchilar Kim Chen Inning suratlari orqali uning sog‘lig‘i to‘g‘risida xulosa chiqarishga birinchi marta urinayotgani yo‘q.
Iyun oyining boshida Kim Chen In bir oydan buyon birinchi marta jamoatchilik oldida paydo bo‘lib, Mehnat partiyasining sakkizinchi Markaziy qo‘mitasi siyosiy byurosi majlislarini o‘tkazdi. Ommaviy axborot vositalari ta’kidlashicha, ushbu uchrashuvdan olingan fotosuratlarda Shimoliy Koreya rahbarining sezilarli darajada ozib ketgani aks etgan. Xususan, Kim Chen In qo‘l soati bog‘ichini odatdagidan ko‘ra tortibroq bog‘laganini ko‘rish mumkin.
Keyinroq Shimoliy Koreya televideniyesi Kim Chen Inning ozib ketganini tan oldi. Televideniyeda uning sog‘lig‘i Pxenyandagilarni tashvishga solayotgani haqida hikoya qiluvchi intervyu paydo bo‘ldi.
Mavzuga doir:
Izoh (0)