Fuqaroni pul evaziga Qirg‘iziston oliygohiga o‘qishga kiritib, keyinchalik o‘qishini O‘zbekistondagi ta’lim muassasasiga ko‘chirib berishni va’da qilgan shaxs ushlandi, deb xabar bermoqda Bosh prokuratura huzuridagi Iqtisodiy jinoyatlarga qarshi kurashish departamenti.
Ma’lum bo‘lishicha, fuqaro E.E. fuqaro A.ning ishonchiga kirib, uni 7 ming dollar evaziga Qirg‘iziston tibbiyot oliygohiga o‘qishga kiritib, birinchi bosqichni tugatganidan so‘ng tanishlari orqali o‘qishini Toshkent tibbiyot akademiyasiga ko‘chirib berishni va’da qilgan.
U oldindan 3,5 ming dollarni olgan vaqtida Departament hamda DXXning Chilonzor tumani bo‘limlari tomonidan o‘tkazilgan tadbirda ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda fuqaroning Qozog‘istondagi o‘qishini Samarqand tibbiyot institutiga ko‘chirib berish evaziga 5 ming dollar olgan shaxs ushlandi
- Namanganda xorij universitetiga o‘qishga kiritish va keyinroq NamDUga “perevod” qilib berish evaziga 2000 dollar so‘ragan doktorant qo‘lga tushdi
- Samarqand va Qashqadaryoda pul evaziga o‘qishga kiritib qo‘yishni va’da qilgan shaxslar ushlandi
- Farg‘onada fuqaroni 2 ming dollar evaziga Farg‘ona politexnika institutiga o‘qishga kiritib qo‘yishni va’da qilgan shaxs ushlandi
Izoh (0)