Andijon viloyati Oltinko‘l tumanida talabaning o‘qishini ko‘chirtirib berishni va’da qilgan firibgar talaba ushlandi, deya xabar bermoqda Bosh prokuratura huzuridagi Departament matbuot xizmati.
Departamentning Oltinko‘l tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda Andijon davlat universiteti talabasi S.E. fuqaro M.ning ishonchiga kirib, uning O‘sh texnologiyalar universitetidagi o‘qishini Namangan davlat universitetiga yuqori lavozimda ishlovchi tanishlari orqali ko‘chirtirib berish evaziga 1500 AQSh dollarini firibgarlik yo‘li bilan olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Bundan avval Samarqand va Qashqadaryoda pul evaziga o‘qishga kiritib qo‘yishni va’da qilgan shaxslar ushlangani, Xorazmda totalizator orqali qo‘lga kiritgan 4 ta uy va 3 ta mashinani farzandlari nomiga rasmiylashtirgan fuqaroga jinoyat ishi qo‘zg‘atilgani hamda Surxondaryo va Farg‘onada fuqarolarni o‘qishga kiritib qo‘yish evaziga pul so‘ragan talabalar ushlangani haqida xabar berilgandi.
Izoh (0)