O‘tgan hafta davomida, ya’ni 26-iyul – 1-avgust kunlari “O‘zbekiston respublika tovar-xomashyo birjasi” AJning barcha savdo platformalarida 1 trillion 644 milliard 700 million so‘mlik tovarlar sotildi.
Savdolarning:
- 88,0 foizi — birja savdolari;
- 1,5 foizi — ko‘rgazma-yarmarka savdolari;
- 10,0 foizi — elektron davlat xaridlari;
- 0,5 foizi — avtoraqamlarning onlayn-auksioniga to‘g‘ri keldi.
Bitimlarning:
- 14,7 foizi — birinchi toifadagi avtoraqamlarga;
- 19,6 foizi — ikkinchi;
- 8,0 foizi — uchinchi;
- 9,8 foizi — to‘rtinchi;
- 15,6 foizi — beshinchi;
- 32,2 foizi oltinchi toifa avtoraqamlarga tegishlidir.
Shakarning barcha kategoriyasi bo‘yicha shakllangan kunlik o‘rtacha narxlar mahsulotning bir tonnasi uchun 7 million 385 ming 500 so‘mdan 7 million 290 ming 600 so‘mgacha, ya’ni 1,3 foizga pasaydi.
Sementning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 519 ming so‘mdan 504 600 so‘mgacha, ya’ni 2,8 foizga pasaydi.
Bundan avval O‘zbekistonda benzin narxi iyul oyida qanchaga qimmatlashgani ma’lum bo‘lgani hamda O‘zbekistonda davlat xaridlarida import o‘simlik yog‘iga qo‘yilgan vaqtinchalik taqiq olib tashlangani haqida xabar berilgandi.
Izoh (0)