Фуқарони пул эвазига Қирғизистон олийгоҳига ўқишга киритиб, кейинчалик ўқишини Ўзбекистондаги таълим муассасасига кўчириб беришни ваъда қилган шахс ушланди, деб хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Маълум бўлишича, фуқаро Э.Э. фуқаро А.нинг ишончига кириб, уни 7 минг доллар эвазига Қирғизистон тиббиёт олийгоҳига ўқишга киритиб, биринчи босқични тугатганидан сўнг танишлари орқали ўқишини Тошкент тиббиёт академиясига кўчириб беришни ваъда қилган.
У олдиндан 3,5 минг долларни олган вақтида Департамент ҳамда ДХХнинг Чилонзор тумани бўлимлари томонидан ўтказилган тадбирда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкентда фуқаронинг Қозоғистондаги ўқишини Самарқанд тиббиёт институтига кўчириб бериш эвазига 5 минг доллар олган шахс ушланди
- Наманганда хориж университетига ўқишга киритиш ва кейинроқ НамДУга «перевод» қилиб бериш эвазига 2000 доллар сўраган докторант қўлга тушди
- Самарқанд ва Қашқадарёда пул эвазига ўқишга киритиб қўйишни ваъда қилган шахслар ушланди
- Фарғонада фуқарони 2 минг доллар эвазига Фарғона политехника институтига ўқишга киритиб қўйишни ваъда қилган шахс ушланди
Изоҳ (0)