Bundan bir necha yil avval Xitoy Superligasi klublari yoppasiga Yevropa va Lotin Amerikasidan yulduz futbolchilarni taklif qilishni boshlagandi. Ammo 2020—2021-yillarda yulduzlar ommaviy ravishda Xitoyni tark eta boshladi. Hozirda Superligada Oskar, Maruan Fellayni va bir qancha unchalik yuqori darajada bo‘lmagan futbolchilar qolgan, xolos.
Xitoy Superligasini tark etganlar
2021-yilda Superliga o‘z rivojlanish vektorini o‘zgartirdi: yanvar oyidan boshlab futbolchilarga to‘lanadigan maoshga yangi cheklovlar qo‘yildi. Aynan ushbu omil chet elliklarning ligadan qochishiga sabab bo‘ldi.
Yulduzlarni ketishga majbur qilgan (yangi) qoidalar:
- Legionerlar uchun yillik maoshning 3 million yevrodan oshmasligi (bonuslar hisobga olinmaydi). Taqqoslash uchun, “Shanxay SIPG” yarim himoyachisi Oskar ushbu pulni yetti hafta ichida olardi (haftasiga, taxminan, 450 ming yevro).
- Klublarga amaldagi shartnomasi bo‘lgan legionerlar uchun qo‘shimcha pul to‘lashga ruxsat berildi — ular futbolchilar bilan uch yilgacha shartnoma tuzishi va cheklovdan ko‘proq to‘lashi mumkin.
- Umumiy cheklovlarga moslashish lozim — butun jamoa uchun (taxminan) 75 million yevro (600 million yuan) ajratilgan, shundan faqat 10 millioni chet elliklar uchun sarflanishi mumkin. Bu yerda asosiy syurpriz — ish haqi bo‘yicha barcha xarajatlar, shu jumladan bonuslar ham umumiy cheklovlarda hisobga olinadi.
- Ushbu me’yordan oshgani uchun jamoa 24 ochkodan mahrum qilinishi va o‘yinchi Xitoy futbol federatsiyasi bayrog‘i ostidagi musobaqalardan chetlatilishi mumkin.
- Ammo legionerlar uchun limit susaytirilgan — 5 nafar chet ellikni ro‘yxatdan o‘tkazish va shu bilan birga ulardan to‘rt nafarini bir vaqtda maydonga tushirish mumkin.
Ammo bu futbolchilarni ishontirish uchun yetarli emas.
Izoh (0)