Бундан бир неча йил аввал Хитой Суперлигаси клублари ёппасига Европа ва Лотин Америкасидан юлдуз футболчиларни таклиф қилишни бошлаганди. Аммо 2020—2021 йилларда юлдузлар оммавий равишда Хитойни тарк эта бошлади. Ҳозирда Суперлигада Оскар, Маруан Феллайни ва бир қанча унчалик юқори даражада бўлмаган футболчилар қолган, холос.
Хитой Суперлигасини тарк этганлар
2021 йилда Суперлига ўз ривожланиш векторини ўзгартирди: январь ойидан бошлаб футболчиларга тўланадиган маошга янги чекловлар қўйилди. Айнан ушбу омил чет элликларнинг лигадан қочишига сабаб бўлди.
Юлдузларни кетишга мажбур қилган (янги) қоидалар:
- Легионерлар учун йиллик маошнинг 3 миллион евродан ошмаслиги (бонуслар ҳисобга олинмайди). Таққослаш учун, «Шанхай СИПГ» ярим ҳимоячиси Оскар ушбу пулни етти ҳафта ичида оларди (ҳафтасига, тахминан, 450 минг евро).
- Клубларга амалдаги шартномаси бўлган легионерлар учун қўшимча пул тўлашга рухсат берилди — улар футболчилар билан уч йилгача шартнома тузиши ва чекловдан кўпроқ тўлаши мумкин.
- Умумий чекловларга мослашиш лозим — бутун жамоа учун (тахминан) 75 миллион евро (600 миллион юань) ажратилган, шундан фақат 10 миллиони чет элликлар учун сарфланиши мумкин. Бу ерда асосий сюрприз — иш ҳақи бўйича барча харажатлар, шу жумладан бонуслар ҳам умумий чекловларда ҳисобга олинади.
- Ушбу меъёрдан ошгани учун жамоа 24 очкодан маҳрум қилиниши ва ўйинчи Хитой футбол федерацияси байроғи остидаги мусобақалардан четлатилиши мумкин.
- Аммо легионерлар учун лимит сусайтирилган — 5 нафар чет элликни рўйхатдан ўтказиш ва шу билан бирга улардан тўрт нафарини бир вақтда майдонга тушириш мумкин.
Аммо бу футболчиларни ишонтириш учун етарли эмас.
Изоҳ (0)