Rossiya Qurolli Kuchlari Markaziy harbiy okrugi harbiy xizmatchilari O‘zbekistonga yetib keldi. Bu haqda Mudofaa vazirligi axborot va ommaviy kommunikatsiyalar departamenti “Daryo”ga ma’lum qildi.
Ma’lum qilinishicha, rossiyalik harbiylar Surxondaryo viloyati hududidagi Afg‘oniston bilan chegaradosh “Termiz” poligonida O‘zbekiston—Rossiya Qurolli Kuchlari hamkorligida o‘tkaziladigan qo‘shma o‘quvlarda ishtirok etadi.
Mashg‘ulotlar davomida ikki davlat harbiylari shartli dushmanning yashirin bazalarini qidirib topish va yo‘q qilish, ular tomonidan ehtimoliy hujumlar amalga oshirilganda, uni bartaraf etish kabi vazifalarni bajarishadi.
Sputnik nashrining yozishicha, o‘quvlar 10-avgustga qadar davom etadi. Ularga 200 ga yaqin harbiy texnikalar, jumladan, aviatsiya hamda 1500 dan ziyod harbiy xizmatchilar jalb qilingan.
Eslatib o‘tamiz, iyun oxirlarida Mudofaa vazirligi O‘zbekiston armiyasining jangovar shayligini tekshirgandi.
Izoh (0)