Россия Қуролли Кучлари Марказий ҳарбий округи ҳарбий хизматчилари Ўзбекистонга етиб келди. Бу ҳақда Мудофаа вазирлиги ахборот ва оммавий коммуникациялар департаменти «Дарё»га маълум қилди.
Маълум қилинишича, россиялик ҳарбийлар Сурхондарё вилояти ҳудудидаги Афғонистон билан чегарадош «Термиз» полигонида Ўзбекистон—Россия Қуролли Кучлари ҳамкорлигида ўтказиладиган қўшма ўқувларда иштирок этади.
Машғулотлар давомида икки давлат ҳарбийлари шартли душманнинг яширин базаларини қидириб топиш ва йўқ қилиш, улар томонидан эҳтимолий ҳужумлар амалга оширилганда, уни бартараф этиш каби вазифаларни бажаришади.
Спутник нашрининг ёзишича, ўқувлар 10 августга қадар давом этади. Уларга 200 га яқин ҳарбий техникалар, жумладан, авиация ҳамда 1500 дан зиёд ҳарбий хизматчилар жалб қилинган.
Эслатиб ўтамиз, июнь охирларида Мудофаа вазирлиги Ўзбекистон армиясининг жанговар шайлигини текширганди.
Изоҳ (0)