23-iyul kuni O‘zbekistonda Prezident saylovi kampaniyasiga start berildi. Shuningdek, 28-iyul kuni o‘tkazilgan matbuot anjumanida saylov logotipining taqdimoti o‘tkazildi. Markaziy saylov komissiyasi mazkur taqdimotdan so‘ng logotip, uning ranglari, tuzilishi va dizayni xususida ijtimoiy tarmoqlarda bildirilgan ko‘plab tanqidlarga javob qaytardi.
Ma’lum qilinishicha, muhokamalarda bildirilgan takliflar Markaziy saylov komissiyasining ishchi guruhi tomonidan soha mutaxassislarini jalb qilgan holda o‘rganilgan. O‘rganishlar natijasida logotipga ayrim imloviy tuzatishlar kiritilgan.
Shuningdek, Markaziy saylov komissiyasi mazkur logotipni yaratish jarayoniga mablag‘ sarf etilmaganini ma’lum qilgan.
“Markaziy saylov komissiyasi mamlakatimiz jamoatchiligi saylov jarayonlariga befarq emasligini e’tirof etadi va o‘z minnatdorligini bildiradi. Kelgusida ham Markaziy saylov komissiyasining faoliyati borasida bildirilgan har qanday xolis fikr-mulohaza e’tiborsiz qolmaydi”, — deyiladi munosabatda.
Mavzuga doir:
Eslatib o‘tamiz, bundan avval O‘zbekistonda prezident sayloviga jami 300 milliard so‘m, har bir nomzodga esa 3 milliard so‘mdan ajratilishi hamda O‘zbekistonda “Haqiqat va taraqqiyot” sotsial-demokratik partiyasini davlat ro‘yxatidan o‘tkazish rad etilgani haqida xabar berilgandi.
Izoh (0)