23 июль куни Ўзбекистонда Президент сайлови кампаниясига старт берилди. Шунингдек, 28 июль куни ўтказилган матбуот анжуманида сайлов логотипининг тақдимоти ўтказилди. Марказий сайлов комиссияси мазкур тақдимотдан сўнг логотип, унинг ранглари, тузилиши ва дизайни хусусида ижтимоий тармоқларда билдирилган кўплаб танқидларга жавоб қайтарди.
Маълум қилинишича, муҳокамаларда билдирилган таклифлар Марказий сайлов комиссиясининг ишчи гуруҳи томонидан соҳа мутахассисларини жалб қилган ҳолда ўрганилган. Ўрганишлар натижасида логотипга айрим имловий тузатишлар киритилган.
Шунингдек, Марказий сайлов комиссияси мазкур логотипни яратиш жараёнига маблағ сарф этилмаганини маълум қилган.
«Марказий сайлов комиссияси мамлакатимиз жамоатчилиги сайлов жараёнларига бефарқ эмаслигини эътироф этади ва ўз миннатдорлигини билдиради. Келгусида ҳам Марказий сайлов комиссиясининг фаолияти борасида билдирилган ҳар қандай холис фикр-мулоҳаза эътиборсиз қолмайди», — дейилади муносабатда.
Мавзуга доир:
Эслатиб ўтамиз, бундан аввал Ўзбекистонда президент сайловига жами 300 миллиард сўм, ҳар бир номзодга эса 3 миллиард сўмдан ажратилиши ҳамда Ўзбекистонда «Ҳақиқат ва тараққиёт» социал-демократик партиясини давлат рўйхатидан ўтказиш рад этилгани ҳақида хабар берилганди.
Изоҳ (0)