Surxondaryo viloyati Boysun tumanida 15-iyul kuni IIB xodimlari va fuqarolar o‘rtasida janjal yuzaga keldi, deya xabar bermoqda viloyat prokuraturasi.
Ma’lum bo‘lishicha, voqea tumanning “Tuzbozor” mahallasi hududida joylashgan dehqon bozori atrofida sodir bo‘lgan. Aniqlanishicha, “Gaza” mahallasi hududida yashovchi F.A. va S.B. bozor oldida tashkil etilgan blokpostda xizmat olib borayotgan profilaktika inspektori va boshqalar bilan tortishgan.
Ta’kidlanishicha, u nima sababdan blokpost o‘rnatilgani hamda karantin faqat Boysunda emas, barcha hududlarda amal qilishini aytib janjal ko‘targan. Shuningdek, fuqaro F.A. “Gaza” mahallasida joylashgan “Gaza” mehmonxona va oshxona rahbari ekani aniqlangan.
Tuman ichki ishlar bo‘limi xodimlari tomonidan ushbu oshxona 14-iyul kuni soat 21:20 atrofida karantinga qarshi kurash qoidalariga rioya qilmasdan faoliyat yuritgani sabab 3 430 000 so‘m jarima ma’muriy jazo chorasi qo‘llangan. O‘rganishda xodimlarning harakatlarida qonun buzilishi holatlariga yo‘l qo‘yilgani aniqlanmagan.
Bundan avval Denovda inspektor yordamchilari urib o‘ldirib qo‘ygani aytilayotgan fuqaroning rafiqasi murojaat bilan chiqqani, “Samarqand darvoza” ko‘ngilochar savdo markazida IIB xodimi va fuqaro o‘rtasida tortishuv yuzasidan ma’lumot berilgani hamda Qashqadaryoda fuqarolar MIB xodimlarining ustiga benzin sepib, yoqib yubormoqchi bo‘lgani haqida xabar berilgandi.
Izoh (0)