Toshkentdagi bir qancha avtobus yo‘nalishiga o‘zgartirish kiritilib, yangilari tashkil etiladi, deya xabar bermoqda “Toshshahartransxizmat”.
Qayd etilishicha, 2021-yil 1-avgust kunidan boshlab, “Toshshahartransxizmat” AJ tarkibidagi avtobus saroylari tomonidan xizmat ko‘rsatilayotgan 7 ta avtobus yo‘nalishlari harakatini qisqartirish, 2 ta yangi yo‘nalish ochish, 2 ta yo‘nalish harakatiga o‘zgartirish kiritish to‘g‘risida ma’lumot berilgan edi.
Harakat yo‘nalishi qisqartirilishi rejalashtirilgan 56, 82, 103-sonli avtobus yo‘nalishlari bo‘yicha qo‘shimcha o‘rganishlarni o‘tkazish zaruriyati yuzaga kelayotgani sabab, ushbu yo‘nalishlar harakati vaqtinchalik o‘zgartirishsiz qoldiriladi.
Bundan tashqari, o‘tkazilgan o‘rganishlar natijalari bo‘yicha 2021-yil 1-avgust kunidan boshlab, 41, 32, 59-sonli avtobus yo‘nalishlari harakatiga ham qisman o‘zgartirishlar kiritiladi. Jumladan:
- 32-sonli Sergeli 6-a dahasi–Gulobod ko‘chasi avtobus yo‘nalishining Erkin mavzesiga harakatlanishi qisqartiriladi va ushbu yo‘nalishning Sergeli 6-a mavzesidan harakatlanishi Yangi Choshtepa mavzesi orqali tashkil etiladi.
- 41-sonli Chilonzor 25-dahasi–Yangi Choshtepa mavzesi avtobus yo‘nalishining Yangi Choshtepa mavzesidan Chilonzor buyum bozorigacha bo‘lgan oraliqdagi harakati qisqartiriladi. Endilikda 41-sonli yo‘nalish Chilonzor 25-dahasi–Chilonzor buyum bozori oralig‘ida 5 ta jadval asosida harakatlanadi.
- 59-sonli Sergeli 12-dahasi–Karvon bozori avtobus yo‘nalishining so‘nggi bekati Sergeli 12-dahasi bekatidan Do‘stlik 2-mavzesi avtoshohbekatiga o‘zgartiriladi. Endilikda 59-sonli yo‘nalish Do‘stlik 2-mavzesi–Karvon bozori oralig‘ida harakatlanadi.
Bular haqida batafsil quyidagi rasmlar orqali to‘liq ma’lumot olish mumkin:
Izoh (0)